洗衣機唔識停水

我都試過同一情況幾次. 個部係”大眼雞”雪白牌(即現時的金章), 我的原因係比牙籤或D細條的物件”KICK” 住係去水位 (前面果嗰). D水唔去但又繼續洗衣程序, 所以D水咪滿瀉.

解決: 第一次當然找原廠上門維修, 但第二,三次, 知道原因後, 自己解決.
方法是打開去水位, 機身前面果嗰, 離底部兩,三吋, 約一個水杯面的面積, 給平時清潔積聚左的纖維或毛碎. 用戶應該可以自行扭開的那個.

不過提醒你, 一打開此去水位, D水就’擁’晒出嚟, D水出晒嚟, 至可以伸手入去搵到係乜嘢’KICK’住, 所以事前要有準備吸水. 第三,四次時, 我先用垃圾膠袋接D水, 起碼唔使抹咁多水先.

以上純屬個人經驗, 只作參考, 可以的話, 當然建議你先找人上門檢查維修.