請各位幫幫手(男女都好 請進)....................

首先,攞你個膽出來先.
反正佢都知道你鍾意佢,仲係第一個知.
咁你都冇可能暗戀落去.
換言之,你有兩條路,一,追.二,放棄.
如果要你放棄,唔代表咩都冇發生,佢仍然會覺得你對佢有野.
你又唔表白,佢見你又尷尬,都唔知避唔避你好.
所以放棄只係逃避方法,百害而無一利.
咁即係話,你要追佢.
雖然追佢可能會失敗,但係唔試就一定冇機會.
你要有自信,因為有信心未必贏,冇信心一定輸.
你要抱住不成功便成仁既態度去追佢.
或者你追佢,佢會有d嚇親,唔知點好.
但係你唔追佢,佢都一樣會唔知點.
所以你只要唔好咁猴擒,唔好咬住唔放,死纏爛打,咁佢都唔會怕你.
知己知彼,百戰百勝.
其他追佢既男仔質素如何?
你要突出自己,唔好矮人一截.
你可以留意下其他人追佢時,佢點先開心,點先唔開心.
咁你又可以因應佢性格去追佢.
你話你同佢性格似,咁你鍾意人點對你就點對佢啦.
況且,你同佢都畀人話好襯,佢都可能會留意到你,你有希望.
一般來講,女仔唔鍾意太硬,你可以使軟功.
即係關心,送禮物,談心,支持等等比較溫柔既方法.
咁佢就會好舒服,唔覺你迫佢好緊,就唔對你反感.
你最重要要搵多d機會接近佢,多d係佢身邊出現,扮偶遇,會機會請佢食野.
你幫下佢忙......借詞識佢,見到佢一定要打招呼.
到大家有小小熟,你先表白,再正式追求.
祝你成功.

對唔住, 我想話....你有無諗過會同佢有幾耐?
你可唔可以照顧佢?
一個男仔如果有事業, 唔怕搵唔到個鍾意既,
就算俾你地一齊左,
我覺得你地會好快散,
(我唔係想潑冷水)
女仔既思想比男仔快熟,
你連打呢篇野都錯字連篇,
我好難想像你既將來可以有能力照顧你既女人...
(唔好話佢, 第2個都係)
女仔到到左咁上下自然會諗搵人照顧,
可能十幾歲都已經有呢D念頭,
你呢?
(可能我講野過份左, 不過係現實, 太多人版喇!)

小息果陣多ｄ搵佢玩，傾下計～同佢加深感情，每個小息都玩下傾計，慢慢就會由好感變鐘意，鐘意變喜歡，喜歡變成愛架啦
不過唔好覺得好易阿，每一句說話，每一個動作都要諗清楚，一句野都可以令之前做過ｄ野白費

如果你話大家性格都咁似, 不如你想下如果你係佢, 點先會接受你~~? 送花? 食飯? 遠足? 定係咩, 呢樣野你會清楚好多.

決定左, 就加返的誠意 / 大膽 / 勇氣同佢講, 個人並唔建議寫卡示愛, 因為係學校會太揚, 玩下手會拎黎傳閱, 如果你知佢地址, 可以寫情信, 10年後睇返, 會好 sweet, 如果唔知佢地址, 就直接當面講, 如果有的怕, 就可以約佢卡啦ok, 憑歌寄意 (我就始終buy 當面講, 因為如果連當面講既勇氣都無, 個女仔又點會有信心你會保護到佢~~)

*** 努力啦, 好多野, 3分人事, 7分天意, 係點計算 / 點計劃, 都可能有意外, 直接了當可能收獲重大的~