被列為2b級而實質是3級的港產電影

首先作一自我介紹，我係電檢處的一名電影檢查義務顧問(任何市民皆可參與評審電影分級)，我覺得你對電影檢查條例有一點不清晰，所以特來解釋比你聽。

首先，電影的評級係由電檢員下決定(而非市民作主)而顧問純粹係比意見。(沉默的羔羊(最新果套)共有23個義務顧問參與，20個投3級，3個投2B，出黎係2B，因為係電檢員下最終決定。

電檢員將電影評級係根據多種考慮因素:

第一種: 商業影片 or 藝術影片 ，如果係藝術影片，普遍評級係會較鬆手，(還記得有一套描述性愛的影片，若果係商業片，恐怕一早已經係3級，但係因為佢1)係藝術影片，2)唔係公開播，結果就出左2B。

第二種，社會普遍接受程度，記得第一日去介紹會果陣，以“古惑仔”同黑社會做過比喻，古惑仔當時係2b係因為果陣D人普遍接受到，而“黑社會”即依家D人就唔接受到，所以當時的社會對該片種的接受程度都會影響分級。

第三，有特殊的心理影響，有出個有套戲係有心理學家咨詢過話有催眠成分，結果:禁播。

仲有，電檢員 ，個個電檢員的評級嚴謹都唔同，有D會鬆手D，有D就唔會。

列為第3級，係要有大量粗口(count住幾多次，真係會嫁)，描繪細致性愛鏡頭，嚴重流血暴力，等等...

最後先回應你ge問題，近來我就會覺得係門徙，因為始終題材敏感。