她不告訴你她有男友....點解???我唔明...

其實你覺唔覺你自己好有問題呢?
你地而家既關係係好曖昧...即係好似過左但係又未到咁...
你問點解佢唔同你講佢拍緊拖...
首先...你都唔知人地係咪真係拍緊拖...
由頭到尾你都係聽人地講...你有冇求證過丫? 你有冇問過丫?
你地識左咁耐...而且你仲明示暗示過你鍾意佢俾佢知...
咁你問一問有幾難呢?
你成日覺得佢厄緊你...咁可能對方個男仔都只係好似你咁只係曖昧既朋友呢?
唔好成日係度煩喇...

用番你個角度睇...其實我都明既...
不過5年喎...你唔覺得自己拖得太耐咩?
你係佢身邊等左兩年...明暗示過好多次...可能佢唔明呢?
點解你唔試下同佢講清楚...我知你係驚乜驚物...驚冇左個朋友...
但係你唔試就乜都冇...就好似而家咁...佢又同佢第二個人一齊...
你就凈係得個睇字...
but可能佢真係明...佢知你鍾意佢...但係佢唔鍾意你...
佢唔想你唔開心...所以唔想話你知佢拍緊拖...

你搵次清清楚楚咁問佢係咪拍緊拖囉...
佢當你係fd既佢一定會答你...
如果佢唔係拍緊拖既你咪試下同佢講清楚囉...
得又係咁唔得咁係咁...你點都要試下...唔通你做佢一世朋友?
可能佢等緊你同佢講咋...
but如果佢真係拍緊拖既...sorry...你要諗下你同佢既將來喇...
你會繼續等...等到佢分手...定唔再等呢?
等既話...你肯唔肯再sin多幾年呢? 佢...又值唔值得你等呢?
唔等既...你又捨唔捨得呢?話晒都咁多年既感情...唔係話放棄就放棄到既...

靜靜地...一個人諗下佢la...
有咩問題...add [email protected]
我覺得佢會幫到你的...

其實我兩個角色都做過, 以下是本人見解, 實屬本人意見:

我是女, 我都同你一樣識左個男仔5 年, 每年都一定會亙相慶祝生日, 很多節日都會send短訊, 佢都知我鍾意佢, 5 年後的現在, 所有野我都知道晒, 他有女朋友又拖著我o
1)其實你可以直接問她同唔同你一齊, 唔好再估估下, 你們這種含糊關係只會令自己痛苦, 係朋友就朋友, 情侶就係情侶, 不要浪費光陰, 同埋有好多事一定要講出口, 唔好以為別人會明, 你就鼓起勇氣同她說清楚, 愛一個人真係要愛得及時, 轉眼就會比別人追了o

2) 我就是之前的事, 一有男仔約我去街我都必去, 他們對我都是有意思, 當我同其中一個去街時, 另一個打來問我同什麼人出街, 我都會答朋友, 因為當時我未擇定誰是對我真 o

總括來講 : 你要盡快攪清楚她當你是什麼位置, 越耐你就會越辛苦, 而她的心態一係她未擇定邊個好, 一係她喜歡被人追的感覺, 人好多時都會好貪心及自私, 特別是愛情o

我之前同你一樣成日有好多疑問, 好多點解點解, 但答案是要自己去找尋, 鼓起勇氣問過明白啦, 我覺得愛一個人唔難, 但要愛得及時吧, 以上只是本人意見, 希望你可早日得到答案!

其實你話明示.暗示左好多次你好鍾意佢,她有什麼反應先? 我覺得她當你係水泡,陪她出街和食飯.

她有人追求和別人拍拖都好正常啫. 佢唔同你解釋,她只答是和朋友出街,根本唔當你係好朋友或知己.

點解唔可以話我知她現在拍拖呢?? 你知道又可以點做??

佢咩心態?? 她當你係水泡

明知我鍾意佢..佢點解咁做..是怕我唔開心定係咩呀?? 她對你只是朋友關係,母須向你講同誰人出街食飯,和誰人拍拖

如你真心鍾意佢,你都望她幸福,快樂, 佢鍾意同和誰人拍拖和結婚,你應默默祝福她!

..<我沒追問>...每次都答朋友..點解??? 你沒有追問,怕她唔高興定怕她正式拒絕你? 問自己,你想要什麼答案? 何苦令自己入困擾, 祝福她幸福,快樂

我同你鐘意果個女仔一樣
有人好鐘意自己5,6年
唯一分別係佢有向我表白過,但我冇接受
一直都係維持好朋友既關係
其實佢唔講,冇話因為o的乜野特別既原因
以我自己黎講,我只係唔想對方唔開心
而且你都知道你地只係朋友,佢冇責任向你報告行蹤
可能你會覺得佢一直拖住你,吊住你引
但你有冇諗過,佢當你係好朋友
一旦拆穿所有野,佢就會失去一個好朋友
可能我咁講太直會hurt到你
但你諗真o的,幾年前佢選擇左前男友
依家佢可能選擇左另外一o的追求者
都冇考慮過你,佢個心點諗,你自己大概都清楚
我唔知你鐘意果個女仔性格係點,係個咩人
但我過來人既心聲就係咁

而且已經5年喇,5年唔係一個短既時間
點解唔比條出路自己,重新去搵自己既幸福?
有緣既一定可以一齊,冇緣既強求都冇用,係咪?

你唔明應該問佢