求落馬洲關口最便宜停車場

你自已開車要泊香港邊，自行過關，落馬州附近間間都有日泊，平日由40-100，假日 50-100一日。
最貴就是黃巴士對面的那個停車場，100銀一日，當然唔好喇，在旁邊的新港停車場又近又平，平日45，假日(五六日) 60 一日，泊完行去黃巴總站只是五分鐘，其他價錢也差不多，遠的會有專車接送你去黃巴總站(例如九叔停車場等等)，返香港時一個電話就黎接你去停車場。

其實最主要是你要懂渣去落馬州，如果你從九龍去( 經大埔/粉嶺) 通左之後，一直跟大路牌，跟到新田牌，唔好出呀，雖然個牌寫住可往落馬州，唔好出，但過了牌和出口就要開始靠左，取左線，好快有落馬州牌，因為落馬州出口的左線好早已經有雙白線，你未去過實過左。出落馬州，上迴旋處靠右，你左手個出口當然唔入( 入左落翻你黎的公路) 第二落馬州個禁區唔入，第三個即"上 水及新田" 出， 跟黃巴總站標記靠左手出，出去見到黃巴總站和紅綠燈，(燈後右手就是100銀停車場)，過燈前行，右手有小路唔理但慢行，前的就見到右手新港停車場了。

另一樣，我地叫過山車，每個停車場都有服務，就是30元一位，坐七人車從你停車場過到皇崗口岸，或40元至你黃崗那些大夜總會/褔田等地。咁免好多腳力和時間，極快的，坐中港兩地牌van 仔過香港境同車去大陸境。如果你付40，過完大陸境，佢地等返你送你去的地方



2008-05-15 17:14:35 補充：
回 Keroro, 本人不是開停車場的，我只是因公幹經常上落深圳皇崗，在落馬州停車場的客人，我看到十居其九都是因為上去深圳開工，大都拿著公事包或樣辦上去。你以為平日上班時間真是有咁多男人上去深圳玩？當然我專重你意見。