~~ 只希望老婆原諒我 ~~

其實我覺得，只要你愛佢既話，佢一定感受得到... 最大既問題係你係咪真係肯改過...
或者我同你分享一下我既經歷：　我以前有一個男朋友.. 晚晚出去玩, 去賭場啦,　 又煙又酒.... 好任性....我好辛苦....但係我愛佢,唯有接受....我刻意將我自己訓覺既時間去夜晚八點幾, 佢通常係果段時間出去玩.. 訓到半夜四點就起身等佢電話.. 我自己果陣先溫書做功課.. 因為我想珍惜可以同佢傾到計既時間..... 我好希望利用時間去改變佢.. 等佢長大.... 就係咁, 過左四年.... 我實在覺得太累, 我放棄左...... 果一刻我知道自己仲好愛佢.. 但係我更加清楚咁知道我無辦法去接受到一個唔會關心自己既男朋友....... 不過,晌果四年既時間,　我不停咁同自己講,　終會有一日我會改變到佢....晌我地分開左之後...由一個只係識得晚晚出去玩, 唔天光都唔返屋企既人, 改變到一個會日日返學既,　兩年內囉左一個學士學位添...
其實我係想話比你知, 只要兩個人相愛既話, 所以問題都唔係問題 ....既然你知道自己做錯, 就要更加比心機去挽救呢段婚姻....　要用更加多既努力去話比佢知你仲好愛佢....　１２年既感情, 得來不易....　一段感情可以好容易咁開始, 但係需要雙方都要不斷咁灌溉先會有成果....　只要你令佢感覺到你仲愛佢既話同埋你真真正正咁改過, 呢段感情仲有得救....

其實錯係可以原諒的
你又唔係走左去搵女人

在我角度什麼事都係可以原諒的..
只要我和老公仲有愛~
有愛就應該體諒對方..
睇事情一定要睇多角度...

而我覺得你老婆唔識諗呢
既然你都己經坦白何必在咁執著?
要是真的對你有好深既愛佢一定能夠包容你這次的錯..

我個人認為，你太太今次再搬離及打算正式分開的決定，好有可能係同佢身邊出現的第三者有關；但咁又代表咩丫，人的確好易受到誘惑，定力唔夠，就會出軌，正如你投機心態一樣；問題係，醒覺然後改正，並不等於會再次被接受承應；按照你所講的情況，相信你的確係愛你太太，不過，單憑「愛」，係咪真係足夠呢？一個「愛」字係咪真係大到可以遮住雙眼掩住雙耳？我認為你內心只係好想再次同返你太太一齊，唔想無左佢戈種感覺，而將你地兩個之間的問題歪曲左；你太太有婚外情，而你再次因為欠債令太太失望，失去安全感；不過，你只係想急住同返太太一齊而將佢所犯的錯縮細左，我只可以話，你愛佢，所以你選擇包容，忍耐；但係包容同忍耐並唔係解決問題的徹底方法．．．其實意見我真係俾唔到你，只希望你想重修舊好的同時，想清楚兩公婆日後條路應該點行，而唔係淨係解決目前的問題咁簡單。

有無聽過 一次不忠 百次不用
錯 每個人都會錯 ...
問題係你識唔識去改 ...
雖然你話佢兩次都原諒左你
但係你都識講兩次啦 ...
點解你唔係第一次果時介左佢呢
佢走 可能因為對你無安全感 ...驚你會再玩返古票
唔好睇少一個問題 可以去到好大件事傢 ...
可能 佢會睇到你衰左兩次之後會改過 慢慢對你有返信心
但係就算一次返 都會有好大改變傢喇
因為你令過佢對你死心
我覺得有無第三者都好 你一下中左佢死穴
真係好難有得救傢
仲之 你要做返去個表現俾佢睇 ...
諗唔到有咩打喇 ...
祝你同你老婆會好返啦