怎樣教小三的女兒溫考試?

中文和英文科並不是單靠練習、做補充去提高成績~
應該培養小朋友對這兩科的興趣
例如: 俾小朋友睇多D書
由細開始去圖書館~ 先係D 故仔書，慢慢再睇D短篇小說
最緊要係俾小朋友自己揀鐘意o既書
小朋友學習能力好强,佢會從當中學到生字, 內容,理解
叫小朋友睇完之後, 大約講翻個內容
慢慢,佢D組織能力會變得好好

不過, 小三學生應該開始睇D短篇散文~故仔書太簡單
最緊要係佢興趣~ 我小學睇金庸,真係睇到訓着

閱讀理解真係要理解~唔係死做練習

我mama 都係咁培養我對中文的興趣
我小6畢業前~已經睇晒衛斯理,瓊瑤 o既書
中文成績到現家亦十分理想~


1.英文可以俾佢聽D英文歌~ 睇英文卡通片
芝麻街係一個好好o既選擇
2.你可以先用簡單英文同佢溝通
慢慢,再用全英文溝通

2呢個方法係我升上英中之後o既經驗
全英文教學
一開始係辛苦D~ 1，2個月成效會出o黎


小三學生應該幾多點瞓~ 我認為10:00-11:00瞓~
訓呢樣野真係好難講
我今年F.5, 但1:00a.m 先會瞓, 7:00am 起身
可能你個女係屬於訓少D o既體質


p.s. 係訓前俾佢坐係床睇故仔書,小說書~ 會加强吸收能力
易D訓 ga~

2007-03-20 22:55:32 補充：
執書包應該由小朋友自己執因為呢D係責任問題父母擔心執唔齊~可以等佢訓之後,幫佢check １次有漏,, 第2朝叫小朋友自己睇下有冇帶漏野由佢自己發覺,, 改正父母冇可能幫一世

我認為..
呢D野真係唔可以急...
其實你個女都只係小三..成績唔好唔代表D咩...
我小一至小三果陣..成績真係好差..(全班40人左右..只考到35-38..)
加上中文同英文都好唔得..(連'Tim'同'Tom'都唔識分..)
不過..好出其地..小四開始成績好左..(全班又係40人左右..考到13-15..)
而家升左中學..都可以有頭幾名..(真的)
我諗..其實細個果陣成日上堂都唔知發生緊咩事咁..
不過大個左就自然會聽書+留心..
個talent就會表現出黎...
所以唔好急..
不過..我明你急既心情...
但真係唔好成日做補充呀..execcises呀咁..
你要比佢做D佢鍾意既野..
做補充,,execcises..會令佢有更大壓力..
反而有副作用..[真的..]

另外..想提升中文和英文既skills..
可以睇多D書..
不過我認為...睇英文既電視節目係最好既..
一開始可以睇D有字幕既..之後就唔好啦..聽聽下就會熟..
不過千其唔好睇英文新聞!!
最好睇卡通片先..(我都係咁..)
因為通常小朋友係like卡通片既..(I believe)
咁就會慢慢對英文有興趣..=]]

希望以上既ideas可以幫到你啦!
但真係要記得::唔好急.
大個D..個talent就會出黎..=]

2007-03-24 00:43:16 補充：
PS.如果有cartoon network(有線既16台)睇D卡通片都OK..幾搞笑的.(我都係睇稷學英文)仲有..充兄既sleeping係糸重要既..千其唔好太晚瞓..

將心比心，如果你係個女，而無曬自己的空間和時間，相信你都接受唔到啦！
“求學是求分數”，並非完全錯，再問你啦，你自己又有幾耐未放鬆過呢？

唔好迫佢太多,會有反後果的

我覺得你好似我以前對我兒子,因我兒子而中一,在他三年級的時候不斷做功課,做exe &學琴,補習,根本他都沒有佢自己的時間,亦都是他不想學的,因此他各樣都做得不好,只是一般,有時還不合格,結果我同佢的感情(月)來(月)差,反之中學,人地教我放手給他自己做,那我只有放手,雖然他不是很好或有什麼大躍進,但我們的感情好了很多,他也自自然然拿書讀,不用我再三推四請,你吓吓都是補習,做exe,琴根本比我都讀唔入腦啦!
這是我個人見解,其實你想佢應付到學業還是課餘的術科,你自己想想或最好問吓你個女先.

專心d

第一點﹕
上課聽書，不明白要問到明白。
臨急抱佛腳很辛苦，亦沒有效率；如果你平日能夠明白課本，考試溫書就易得多。

第二點﹕
溫書的時候，不斷看同一部分直至明白並大概記得內容為止。
若果想了一段時間不明白，便跳過，等遲一點再看或問同學。
死背是沒有用的！

第三點﹕
建議拿紙筆，一面讀，一面記下要點。
當你讀完一次，之看看紙上有哪些點忘記了，可以輕易拿起書再讀。
有空看看要點，對幫助鞏固記憶有很大幫助。

第四點﹕
圖像記憶法。
嘗試將大量資料畫成圖表，會較易記憶。

第五點﹕
好好分配時間和計劃目標。
溫書要有計劃和目的，不要想溫便看兩頁，這是無效的。
決定好分多少天去溫書，每天要溫多少，但不要一次溫太多太辛苦。

第六點﹕
如果你溫書是為了考試，要劃出溫書先後次序。
比較困難、份量多、時間不足夠的科目要及早溫習。
然後預留足夠時間專心溫習第一科要考的科目。
到你考完第一科時，再溫習困難的科目時便沒那麼辛苦。

第七點﹕
專注加上勤力。
選擇適合的溫習環境及時間，令你能專注溫習。
專注力很重要，否則讀完也不記得。

第八點﹕
休息和睡眠。
沒有足夠的睡眠，是不會入腦的。
所以不要夜睡，第二天起來頭腦清醒，甚至會記起昨晚溫書記不起的東西。
這不純粹是健康的問題。

第九點﹕
盡量保持心境平靜和輕鬆。

我從來沒有補習，現在已大學畢業。
有些點如睡眠、休息，好像只是不想學生太辛苦而說的話。
以上內容全部是我經驗，效果良好，必定比日溫夜溫捱更抵夜好。
能分配好習書時間，我在考試期間仍是常常打機（但一定要分配好時間！）。
當然，如果不努力一點，不能專注溫書，沒有人能夠幫到你。
（未必要很勤力，我也不是很勤力的人，「足夠」的勤力便可以）



較為被動的做法是：關掉電腦、電視........ 不接來電以免朋友叫你出街玩，但這只可以幫你專注一會兒，因為如果你真的沒有「心情」、「興趣」溫書，你始終會想得出其他東西做的，例如走去床睡覺，去廚房搵嘢食，呆望屋外的風光，發白日夢，在書上畫公仔，自自然然揭雜誌報紙.........

你試試一邊溫一邊 highlight內容，大聲讀書，站著讀書，書旁放些熱茶，喝下可舒緩身心，有時做伸展運動，安排一段時間休息 (不要太剌激的娛樂, 例如打機)，讓自己整天的心情是為讀書的。

在家中可以專注溫習 (或者在課堂上專心上堂)，在乎讀書態度，如果你覺得讀書考試對你而言不十分緊要，你自然會鬆散；你試試堅決地說給自己聽，「每一段內容有可能是考試題目，我想取得高些的分數，雖然我對某些科目不感興趣、也未必有天份，但是考試的事實放在眼前，為何不盡力做好它，至少我可以說給他人知，我有盡力應試、無愧於心。」將來你的路如何走，都是以後的事，首要是好好地應付即將要面對的東西。

一齊關乎心態，我認為那些十優狀元就是在學習上付上百分百認真、專心。

對部份人而言，與幾名同學在家中溫習反而不能互相鼓勵，而是令情況更糟。你自己衡量一下。
參考資料:
http://hk.knowledge.yahoo.com/question/?qid=7007022402199

我覺得學習的 精神是很重要的, 你的女兒 10:30先訓 其實佢番學係唔夠精神, 你應該比佢有適當既時間, 盡可能減低佢既壓力, 因為佢只係小3,本人意見, 執書包 可以由媽媽先負責,是關對小孩黎說 管理一樣野 仲係未有一定能力 媽媽幫手會好d, 在學習方面,其實要慢慢黎,每個部份先慢慢練習, 好似串生字咁, 唔好一下子要佢串哂所有字,例如默書,小學生既默書通常係一星期前老師便有通知, 1個星期 已經夠佢一天串1-2個, 慢慢黎,至於練琴, 如果時間真唔夠 ,建議無謂 強逼, 廢事花時間, 比佢有充足既個人空間 ,因為要有適當既放鬆,人先有精神去工作, 其實, 個女唔係唔夠時間用 見你一日比佢要做既野 對佢年齡黎廣 實在太多, 唔好將佢既空間收窄, 唔係佢冇能力去發揮,所謂免強冇幸福.

我小二的妹妹9:30分是媽媽強逼佢即訓覺
每天如是, 平日都有做功課,串字, 同你女兒學的差不多, 成績是不錯的, 每科都8字頭,這是我作哥哥的經驗. 視你女兒成績進步 !

本人亦是學生,其實成績方面,你所指既"尤其中文和英文科，生字、閱讀理解、重組句子成日都唔得"係做得慢?定唔識做?如果係做得慢,你可以嘗試買個計時器俾佢,規定佢係限時之內做哂,然後將時間慢慢減少,循序漸進。如果係唔識做,中文方面,你可以買本字典俾佢,俾佢自己查出意思,你幫得佢一時,幫唔到一世。英文方面,許可的話,你可以嘗試幫下佢。生字、閱讀理解、重組句子方面,主要係因為你女兒對課文理解不足,做補充的確是其中一個方法,但不需要日日做。
我建議你可以帶你女兒去睇下語言醫生,是否有語言障礙等
另外,其實應該讓你女兒有小量休息時間,否則,做功課起來也提唔起神
考試方面,你女兒既問題的確幾嚴重,嘗試每日都重溫整日既課堂知識，在睡前溫習少量即可。
有ｄ野，逼佢係逼唔黎　慢慢黎　加油＾＾

俾d耐性吧，上述的建議也成立。

YOU said 'If you do it faster ,I will give you (something she like)'
THEN SHE　ＷＩＬＬ　BETTER