點樣教BB學食奶米或糊仔

初初開少量,例如半碗的奶米或糊仔 ,用BB專用的小茶匙,少少地,有耐性地喂BB,喂BB前要同BB說「食mum mum ,好味呀!」,比少少玩具BB玩,若果BB聽話又肯食,你可以讚讚BB「乖了,BB」,然後下次可漸漸加多D奶米或糊仔份量給BB。間中亦可自己搾D橙汁、比少少林林地的水果給BB吃,可補充多D維他命C給BB!

我屋企照顧梗2個bb，都係在6-7個月左右開始俾糊仔佢食，等佢試下吞糊狀物品，不過初期都係少少試下，跟手都照餵奶，到8個月bb已開始食2餐飯仔，即係比粥仔「杰」d 的，會加d雞肉/魚肉/牛肉及菜類入去，好似番茄/南瓜/粟米/紅蘿白，咁就比較有營養。不過bb都係要飲4-5次奶的。當然中間又會俾d餅仔/果茸咁俾佢食。其實小朋友食幾多因人而異，佢地對於自己的需要都好敏感，想你抱就會喊，肚仔餓又會喊，總之佢如果飽飽就會唔食啦，佢唔夠喉又會喊，囉囉攣咁，所以唔駛太擔心會太飽，反而要注意佢食的時間安排要定時，環境要安靜舒適，唔係佢食得唔專心，食食下有其他嘢分心唔食，隔一陣又肚餓要再食，咁嘅習慣就唔多好，照顧佢的人都好辛苦好煩。

你可以將糊仔開到好似奶甘稀，然後用bb匙(好細隻個d bb專用匙)喂佢食，最初佢地會好飲奶甘吮d 糊仔，甘做比佢習慣用匙，到佢吮到幾好時糊仔可以就開thick d，遲d就應該食得好好嫁啦，我個女最初都係甘教。

2007-03-22 04:15:56 補充：
隻匙羹吾好成隻放晒入口，bb可能會吾鍾意同咬住匙羹，放係嘴唇比bb吮d糊仔就得。