✔ 最佳答案
Martin兄：
其實你在補充部份提到的駕駛技術，就係風琴腳，就好似彈風琴咁，要用腳踩琴下的踏板，輕柔有致，不會粗暴對待油門或煞掣！
因為突然的加油，踩大油，顧名思義，梗係浪費燃油燒銀紙…
要突然減速，即係在俾多左油又要收番，不如以適當速度行駛，毋須下下要快，因為油去得仲快，掟兩個彎又係入油時候，咁就好浪費。
不過，「風琴腳」的新解，就係將動作變快鏡，有d巴士司機，不理乘客安危，有位就踩盡油，前面冇位又要急停，如此這般，雙腳不斷踩下油門，踩下煞掣，下下要貼住前車停，經常坐樓上前排的我，就下下幾乎“錫”住前面巴士既車尾大玻璃，不撞死都嚇死。
當然，好多小巴司機都唔例外，尤其係午夜狂奔搶客的大佬，一俾油，乘客就向後仰，行緊埋位的就跌坐椅上，一煞掣，個個都向前“仆”，唔扶住就絕對有機會仆崩個鼻。千萬要小心…
****************************************************************
記得有一次，我趕時間入屯門，在龍翔道跟住一架慢車行快線，車多路窄，跟到好貼，佢一慢，我要踩煞掣，前路通番d，佢俾油我又俾油，跟住有車切線，佢急停，我又要大力踩brake...如此這般，隻腳彈上彈落，好似踩風琴個腳掣咁停不了，忙個不亦樂乎呢！
2007-03-30 08:17:47 補充：
風琴腳的實效：今天我在官塘道駕車和一輛平治平排行駛，剛在起步階段，我的車只是1.7L,短程無力趕及在分叉路前超車，但我又趕時間，所以唯有出“絕招”，輕印油門，輕放，讓汽車的引擎可以感應到速度在變，在加速，再輕印油門，又放鬆，車子在這兩次一踏一鬆後明顯轉了波，引擎聲也顯著不同，接著便呼嘯越過平治，趕及在分叉路前超車而去啦！(相信原理和棍波車一樣，狂踏油門不鬆離合器，引擎是無法轉波的。)
