購買香草來種植的要點

選購時只要選棵靚的便ok

較重要的是之後你點樣種好呢棵花

要注意太陽足夠及不用太濕


而家香港賣D花有9成都係大陸黎
只有餘下的1成, 例台灣蘭花, 是由外國(非中國)入口

若果你非國外產品不要的話
只好建議你自己去買外國的香草種子
然後自己種啦

可以上網買外國種子的
或者去旅行時買下啦

p.s. CitySuper 賣的都應該是外國貨, 不過not exactly sure if they have herbs right now.

.

我昨日都有去City Super買香草回家煮餸，City Super是有迷迭香(rosemary)和百里草(thyme)賣的，是已經剪成一條條用個盒來包裝的，個盒面寫住澳洲迷迭香，價錢是$65/100克，我昨日買果包是26克要$16.90。我舊年用City Super買既迷迭香種過啦! 唔得架! 在澳洲運到來D枝條都乾乾地!! City Super有時有一盆盆香草賣，不過好似寫明叫你快D食晒佢?!

99%是大陸和本地生產的!
花墟賣的香草Ok架無問題的! 我盆迷迭香都是在花園街買的，已經種了一年時間啦!
我舊年在繽x園藝見過一次外國入口既迷迭香，不過價錢要六十幾元一盆，而且生滿青苔兼爛葉，好鬼醜樣添呀!

以下是我以前問過網友怎樣選購香草 :
不要單看葉子表面，葉面葉底都要看清楚，看看有沒有斑點及蟲害，有斑點是有紅蜘蛛，就不要買啦! 頂芽是否翠綠健康，枝條彈性是否良好，花盆底部根系發展情形。

迷迭香不可澆水太多，它好捱得渴的，也不太需要肥沃泥土，沙質土都可以種添!

種花草澆水(淋水)原則 :
用眼睇或用手摸，泥土表面乾才澆水，一次過澆水澆到花盆底下流出水便可，我初初種花草時就是澆水過多，結果全軍覆沒浸死晒D根。