美國簽證需唔需要工作證明，需時幾耐?

我呢個月去申請，排緊隊時有郵局職員俾張SPEEDPOST紙我填定(見完領事去交錢)，佢話隔2日可收到，但隔一日己收到。

我去大新交錢之後，除了有收據，亦有一張領事館非移民簽証處基本規則，入面第一條就寫住：本領事館非移民簽証成功率達百分之九十。所以都唔係咁難。

我都無嘢做，我惟有帶咗強積金statement 和銀行供樓信証明我有資產/物業縛住喺香港唔會留喺美國，又帶埋銀行存摺、訂機位紙和酒店訂房紙，出面counter個職員和領事都冇問我帶咗乜野文件，又冇攞嚟睇，所以唔關準備唔充裕會俾人reject，而係頜事有懷疑先至要攞d文件睇，咁佢地冇先至俾人reject。但係所有証明文件都要帶齊，駛唔駛睇係領事嘅決定。我第一次攞VISA嗰時都係唔駛睇文件，淨喺問咗3個問題：
1.去美國做乜？
2. 喺邊度做嘢？
3. 做咗幾多年？.

至於我，領事淨係問我去美國嘅目的，以前去過美國邊度玩，我答完後佢就話我個VISA無問題，交完speedpost費$25就走得，全程1.5小時。(我預約9.45am，9.30am去到都俾我入去排隊。)

我覺得能夠令領事相信你一定返香港先至係攞到VISA嘅關鍵。 可能我嘅丈夫冇VISA，又唔係同我一齊去，咁領事信我唔會賴喺美國唔走！

糧單, 稅單, 工作證明佢都唔會睇.
但你要有公司放假信, 証明你係放假.
如果你有卡片, 可以比埋佢地, web-site 係無寫, 但收門口收 form counter 有貼住.
佢唔係睇你準備充唔充裕, 而係睇你誠唔誠實作答, 係唔係想去左唔返黎.
建議你最好預約08:30 準時去到, 由排隊交 form, 打指模, 見領事, 交錢 都只是30-40分鐘, 越晏越多人, 所以會等得耐d.
大約2-3個工作天你會收回你的passport.

美國簽證需唔需要工作證明，需時幾耐?

一定要公司証明信,否則不受理,及一定要網上BOOK期約見,
而家簽證很快,只需三個工作天便經SPEEDPOST掛號形式寄到你指定地方本人簽收