切入交匯處好鬼驚…

打燈,放慢車速(盡量不要停車!因為越慢越難出!!),
落低車窗!望鏡當車在你身邊過時立即俾油!
(但要留意對方車速和對方後面車輛的車速和距離!!)
有需要時伸手示意或者按一至兩下死火燈!!
(最好時常這樣做!特別是對方讓你出!!)

2007-03-20 04:38:53 補充：
按一至兩死火燈是在對方讓你出咗之後才按呀!這代表示意!

我未夠1.8m，唔係高人，不過就黎有接近20萬公里既駕駛經驗。在駕車時有驚的感覺係好事，會提高警覺小心d。既然你楂車為人為己著想，等我教你新手上路之出交匯處密技。

其實我唔係咁明你講既“交匯處”究竟是十字路、T字路或是迴旋處，因各有不同技巧。唔知是否路政署水浸，還是區議員積極爭取之功，大多十字路與T字路都裝有交通燈，剩下未裝燈多是較靜的地方，因此，不如先講新手如何出迴旋處吧。

---
新手如何出迴旋處，單擋法密技：

1 入迴旋處前先靠左線。因車多時，快車及技術好者多由右線走，因左線多大車，而大車起步慢。新手在左線，大車起步唔夠你快，減少被人bu而嚇死的機會。

2 輪到自己出線時，可用以不步驟：
a 先打右燈(等右邊架車有所警覺)。
b 鬆晒手制，入好波，蹬住bk(準備隨時起步)。
b 主要望住右邊架車，即是與你平頭個架(唔使望兩邊側鏡，也唔使理在迴旋處內行駛既車)。
c 當見到右邊架車起步向前，鬆bk讓車溜前，開始俾油慢出左轉，記住靠左線行，右燈由佢著住(右邊車會幫你阻擋晒全部車，要撞除非撞右邊架車先。新手反應慢，人地出晒全車，你只要出到半個車頭已經足夠，人地已經清楚見到你佔左半條行車線，佢要切你線都要駛出快線才可以）。
d 至出迴旋處路口前才轉回打左燈。如太近未能及時出路口不要勉強，情可轉多個圈。
---

單擋法解碼：
因車靠左線，想快行的車不用跟你，可轉出右線，大家無阻礙。
後車無需理會，因他也是等出迴旋處，無理由撞你出去。
右邊車必然駛出迴旋處內圈線，除非佢想撞車。
在迴旋處行駛中的車輛，有右邊車擋著，只會撞他，不會撞你。
因此，只要在出迴旋處隨著右邊車前進是最安全和最少顧慮的安全方法。