如以遊戲機來說,NDS還是PSP好玩?

首先，希望大家可以放開懷抱對待兩部機，記住，你唔係幫老任、SONY打工，無必要
對佢地死忠亦無必要敵視任何一方，作為玩家只需了解邊部機俾到自己快樂已經足夠。


【主機美觀度】PSP：10分／NDS：5分
PSP外形時尚美觀，加上第一眼就望到佢個大芒，任何人見到都一定心動；相比之下
NDS外形似足一部字典機，雖然唔算好核突，但PSP予人既第一印象實在優勝太多。


【畫面華麗度】PSP：10分／NDS：6分
PSP個芒又大又16:9，NDS完全無得比。其實NDS雙螢幕有咁既大細已經唔差，但缺點
係可視角度非常低，坐你隔離果個根本睇唔到你玩乜，另外響陽光底下玩NDS，基本
上係完全睇唔到畫面(反光太嚴重)。不過，PSP既死／光點問題又比NDS嚴重極多，基
本上要買到一部完全無死／光點既PSP，真係要非常好手氣，另外根據大多數用家經
驗，PSP既死／光點會「自然、普遍地」於短時間內極速浦頭，個Q.C.真係差到......
如果非常介意死／光點，可自行扣除2分。


【聲音】PSP：7分／NDS：6分
其實平時玩遊戲的話，兩部機既聲音質素都係合格有餘，最低限度叫做有立體聲，
但一般而言PSP遊戲會比較「靚聲」和「大聲」。不過你打算用PSP聽MP3的話，最
好考慮清楚，同樣聽MP3，同樣用喇叭出聲，筆者部NOKIA 6230i(手提電話)都比PSP
靚聲。當然比起NDS總算係聊勝於無。如果追求靚聲的話，都係戴耳筒先玩啦！兩
部機個喇叭都唔係咩好貨色。


【操控】PSP：3分／NDS：9分
你無睇錯，我無講錯，PSP既操控手感只可以用「垃圾」唻形容！除左部機本身無NDS
咁好「渣」之外，佢個死人十字掣真係夠晒「十字」，基本上只可以順利感應到↑↓
←→四個方向，一用到「斜位」就感應不良，由此衍生一個極大問題....... 如果你玩賽

車、麻將、RPG之類唔需要按「斜位」既遊戲，個操控係OK，但一玩動作、格鬥、射
擊、足球等遊戲時，真係玩到無名火起！你可以想像玩高達時無法打斜走、玩格鬥時
「CHOK」唔到招、玩射擊時無得打斜飛、玩Winning時無得走斜線既凄絕慘況嗎？無
錯PSP另備Analog掣一粒，但果粒野既手感都唔好得去邊(位置太低)，仲要唔好忘記唔
係隻隻game都支援Analog。NDS響呢方面就優勝太多，佢個十字掣其實都唔算太好按
(比起GBA、GBASP而言係差左)，LR兩粒掣特別唔就手，不過點都唔會衰到「操控困
難」先，基本上玩乜遊戲都無大問題，另外要盛讚佢個Touch Screen，佢可以發揮比
滑鼠更加便利／直感既操控性，配合十字掣及咪高峰，可衍生出無限個具創意既遊戲。


【便攜及保養性】PSP：5分／NDS：7分
其實兩部機既體積都屬於「偏大」，筆者認為史上最佳大細既手提機仍然係GBASP，
入落衫／褲袋就行得，呢兩部野拎出街時要突登搵野袋住都幾煩！不過NDS既便攜及
保養性一定比PSP好，因為佢係「摺機」，基本上摺埋佢就可以放入袋，個機殼唔算
太易花，但係PSP就一定要另備機套／機袋，否則行街「鄧」兩「鄧」之後個芒一定
花到阿媽都唔認得，肉赤死。


【讀取時間】PSP：3-6分(視乎遊戲)／NDS：10分
大家拎得部機出街玩，多數都係為左搭車時「攝時間」吧？不過香港地咁細，你搭車
搭得幾耐？通常15-30分鐘就落車／轉車，點樣響咁短時間入面盡情享受遊戲樂趣，係
筆者非常重視既一點，呢方面NDS可以話係完美，由於佢係用「卡帶」作儲存媒介，
一般遊戲時根本無所謂Loading Time，只係間中有遊戲阻你兩、三秒儲存遊戲進度，玩
家可以將99.9%既時間放響玩遊戲方面。相比之下，PSP就顯得非常慘烈，由於佢係用
一種叫「UMD」既光碟作儲存媒介，基本上遊玩中途要不斷Load Load Load Load
Load...
好多時真係LOAD多過玩！情況比家用的PlayStation更為嚴重。如果你經常坐短途車，
絕對唔建議玩PSP，因為你LOAD到入標題畫面可能已經落車了！但當然每隻遊戲所須
既Loading時間都有分別，不過客觀唻睇普遍都係唔理想，入game時LOAD十幾秒係平常
事，每關之間再LOAD你十幾秒都係好正常，仲未計遊戲儲存進度時又額外俾多十幾秒
你嘆...... 奉勸大家購買任何遊戲之前，最好先問人隻GAME既LOADING問題嚴唔嚴重，
陣間買左好似WINNING咁既LOAD碟王，夠膽死LOAD你三、四十秒先開到波既真係喊
都無謂。當然PSP係有「邪道」方法大幅減低讀碟時間，但呢點就唔納入討論範圍了。


【遊戲外功能】PSP：6分／NDS：3分
PSP除左用唻玩遊戲之外，仲可以睇相、睇戲、聽MP3，筆者覺得當PSP係相簿咁用係
非常唔錯既選擇，因為佢個芒顯示能力真係好好(唔計死／光點的話)，而且夠晒大，
用唻當相簿做DISPLAY，同睇3R相無乜分別，抵讚！但係用唻睇戲、聽MP3就有些少
搵笨既感覺，先講睇戲，我諗香港地根本無幾多人會買價錢昂貴(比DVD更貴)、無中
文字幕既UMD影碟吧？大部份人只會將影片存放響記憶卡上播放，遺憾既係PSP只支
援MP4格式既影片，解像度仲要有限制，換言之9成9既影片響載入PSP之前，都要先
用個人電腦花大量時間「轉格式」，就算你部電腦幾快都好，一般「轉格式」所需既
時間都比段影片本身更長，攪一大輪先拎得出街睇，點解唔響屋企睇左佢算？至於聽
MP3，上文已經提過佢既喇叭音質連手提電話都比唔上，另插耳筒音質係會好好多，
但如果一心當PSP係MP3機用會唔會傻左少少？你打算將部PSP掛頸嗎？至於NDS就完
全唔支援多媒體功能(其實可另購PLAYYAN增加多媒體功能，但價錢太貴絕不化算)，
只係內置一個無聊既「繪圖CHATROOM」以及鬧鐘功能(呢個就幾實用)。


【遊戲創意】PSP：1分／NDS：9分
由於PSP係完全沿用十字掣、LR掣、Analog掣作為操控媒介，因此理論上PSP係絕對玩
唔到「家用機都無得玩」既新類型遊戲，另因為開發「華麗遊戲」既成本太高及「邪道
猖獗」等影響，願意投資為PSP開發原創作品既廠商可謂萬中無一，睇一睇PSP個GAME
LIST，好多根本係PS1舊作或PS2 DownGrade移植作，毫無新意可言！相反NDS設有雙螢
幕、咪高峰及Touch Screen，雖然呢一切都唔係乜野劃時代新科技(液晶體時代已有雙螢

幕遊戲機、紅白機已經有咪高峰、PDA都一早用緊Touch Screen)，但呢三樣野融合後發
揮既化學作用實在太大啦！只要遊戲廠商夠創意，佢就可以開發出無數個「家用機都無
得玩」既遊戲，尤其NDS遊戲唔用聲光效果作賣點，開發新遊戲所投入既資金遠比PSP
低，風險細，廠商亦更放心開發新類型／系列遊戲，現時NDS好多遊戲都俾到「老機
迷」新鮮感，甚至好多無打機習慣既人(尤其女性)，都俾NDS既嶄新玩法所吸引，淨講
「創意」同「遊戲獨佔性」，NDS和PSP根本不可同日而語。

【前境】
NDS現時全球銷量約為PSP三倍，而且走勢有逐漸「放甩」跡象，尤其老任手頭仲有一
大堆「殺手級」遊戲未出(如：比卡超、撒爾達等)，相反PSP則接近「江郎才盡」，不
斷靠「炒冷飯」吊命，響日本基本上大局已定。不過，PSP響歐洲既銷售勢頭似乎蓋過
NDS，長此下去個發展可能係......NDS專玩原創／新派既日本遊戲，而PSP則專玩「炒冷
飯」大作及歐美遊戲。


最後，其實玩遊戲係個人喜好，只要你鍾意，買邊部玩根本唔係問題，本文只係盡可能
客觀地分析兩部機既長／短處（筆者兩部機都有，理論上無必要偏袒吧？），幫助未買
機既人有個「買機前指南」，希望幫到大家啦！
1. PSP同NDS都可以網上下載遊戲來玩。(當然是有卡才可以)
2. PSP只有1.5版本和2.71版本才可以玩下載來的GAMES(即ISO)；而NDSL只需要買齊配件就可以玩。
3. 而下載的地方需要用BT下載的，因為GAMES容量太大了，好難搵到有HTTP直接下載，介紹你去這裡找GAMES下載：http://www.uwants.com/

最終都要你自己決定,我覺得兩種都咁好玩

Different ages will like different kinds of console. NDS will suit younger ages. The games will be easier and most of them are based on cartoon. NDS have only one major subject: Games entertainment. But older ages will start to make other options for entertainment excpt only games. So PSP is here. The games will be more maturlly-designed and will be more difficult. Also,there are new features: MP3, Movieor even surfing the internet. So if you want to have more communitcations with your friends, choose NDS!!! If you want to get more features for entertainment, then choose PSP. It's all your choice.

pspd畫面令d同埋,同埋爆機都慢d
nds就畫面冇咁令...有兩個芒,d game好細m數

nds會好玩過psp
係因為nds除左遊戲機普通按鍵來控制外
還有touch screen同聲控
增加玩遊戲者的體感
用來玩mini game 特別有feel
大人細路都啱玩
擴大左玩機人的層面

psp除左畫面靚左之外
係遊戲機玩法上沒有太大改變

所以現在都愈來愈多人玩NDS