點解還有這樣的媽媽??????

你還有兩星期便搬，值得恭喜，開香檳慶祝！！
妳的遭遇，我亦曾試過．

之前我樓上有兩二個小朋友，很頑皮．成日來回跑步，拉椅，
碌波子，玩彈波，跳梳化．
仲要係晚晚都好夜瞓．（有時晚上12點幾仲嘈緊）
早上6:00a.m就佢阿媽及佢阿嫲嘈．（腳步聲，大力閉門聲）

最慘係我同我兩個女早上6:15a.m.起身返學，返工．
晚晚睡不好，簡直精神虐待．

我投訴過很多次，管理處都話佢地是很頑皮的，我打電話給管理處，不用說什麼，
已經知道是什麼事，主動上去話佢，靜咗一輪，又黎過．

最好笑係有兩次我真係頂唔順，自己直接上去好聲好氣同佢講，
第一次阿爸好好，自己都話兩個仔唔乖，會叫佢哋靜啲．
第二次阿媽同阿嫲開門，嘩！大大聲當住兩個小朋友話，
佢哋好乖，唔會做啲咁嘅嘢，仲話係咪我攪錯，其他單位嘈，
誤會佢嘈．但係當時二個小朋友是正在跑緊的．
我見到佢阿爸同埋菲傭好無耐個樣，真係激死！！！

當時心諗，你地咁樣教小朋友，係佢地面前都講大話，維護
佢地，阿爸就唔敢出聲．真係壞榜樣，佢地長大，唉！！！！

最後我諗到，嘅然係咁，不如以牙還牙，
如果個晚佢地好嘈，到佢地靜咗，肯定佢地瞓著，我未瞓的話，
我用棍打天花板，嘈番佢地（當然我的女兒不知，係咪好衰呢！）

過了兩個月，佢地就搬走啦！而家靜哂，真係開心．

我都經歷過你這情況, 我走上樓上按門鐘, 佢完全不理會, 沒有辨法,
這是多層大厦的特式, 你是租客還好, 我是自住業主, 而家唔係啦!
到租約期滿, 便馬上搬走, 下次再租屋時, 不要簽兩年, 最好簽短些少.
有很多人住公屋更慘, 無得搬, 自己若是業主, 便要賣樓也不容易, 租
客算容易做很多, 你為有忍耐些, 樓上在日間嘈, 你便用音樂聲去掩蓋,
若在晚間嘈便報警, 有些人 ~ 你越話佢, 佢越整蠱你, 你不如嘗試帶耳
筒, 播著自己喜愛的音樂, 那麼不會為這些而影響到自己情緒和健康.

2007-03-21 04:42:30 補充：
無需要理會佢怎樣教小朋友, 因為害到的也是她的骨肉, 與人無關. 你還可以帶著耳筒, 一面聽歌, 一面上樓上跟她說, 叫佢繼續嘈, 唔好俾佢停喎! 你話自己已聽歌聽上瘾, 全賴佢一家的噪音, 令到你愛上音樂. 要俾佢知道, 佢制做出來的噪音是影響不到你. 因為這種人,你罵佢都浪費中氣, 倒不如由得佢繼續做一個耐人厭的人吧!

2007-03-21 05:47:17 補充：
還有, 若然她真的令你精神受到影響, 你可以去法庭申請禁制令, 或花些少錢, 找個律師出信, 禁止佢製做大量噪音, 因為你報過警, 及向管理處投訴多次, 他們是有記錄在案, 甚至可能要佢賠償你精神上的損失, 那當然這令你需要看精神科醫生, 才有醫生紙去告她, 你還可以要求管理處, 引用大厦公契條約, 出信警告樓上住客, 大厦公契條約列明, 業主與業主或住客之間, 不能做成任何滋擾, 就算是小朋友發出噪音, 做家長是有責任安撫及教導, 不能用這個理由來滋擾他人. 你一定要給一點壓力給管理處去做.

我不知你住那裡的高上住宅,但現在我住的是宿舍,也經常好多女人閙仔或女,都收唔到聲,至慘就係佢半夜三更先閙,死未,但就無閙埋人地,禁無賴,關人鬼事咩!有時都好想她們閙人之前,最好故及人地感受law