簽卡後如何還每月的款項???

1.請問點還款??拎張月結單去銀行還?? 每月係唔係應該還$156.7俾銀行..唔洗其他?
還款方法有好多種，你可以用：
- 到分行交現金 (有啲銀行唔可以用呢種方法，好似恒生咁就要收費$30)
- PPS - 繳費靈 (要先喺繳費靈終端機開戶口，唔駛錢架)
- 郵寄支票
你可以睇睇月結單背頁，通常都有列印交款方法。
至於係咪每月只還$156.7? 照計就係。不過有冇其他手續費就最好問一吓銀行啦﹗

2.係唔係一定要簽卡主的本人去還每月的款項?? 可唔可以叫親人或朋友代去還??
還款唔駛卡主架﹗
如果你有屋企人用開 PPS - 繳費靈，佢可以幫你交都得。
至於開支票郵寄，亦都唔駛用卡主自己嘅支票，請人幫你開，你比翻錢佢囉﹗
去分行交現金就更加唔駛擔心，因為現金冇識認。

3.點解簽visa的時候唔需要輸入密碼既??咁俾人執左或偷左咪好易有損失??
係呀，唔駛密碼架，對簽名架咋﹗所以唔見咗一定要盡快報失。

4.如果我申請visa成功,收到卡後..在卡後面沒有簽上自己的名字..可以仍然簽卡嗎?
可以，不過你驚唔驚間鋪頭話幫你簽咭時，攞咗你張卡喺背面簽名，然後偷龍轉鳳，比張假卡你？
有良心嘅商戶都可能會提你簽翻個名喺背面，但你點知嗰間係咪黑店？
雖然，如果事情真係發生，你可以同有關銀行講。但係都唔肯定銀行睬唔睬你，因為顧客有權喺信用咭申請表嘅簽名，同卡背簽名唔同﹗就算銀行受理，你嘅account都有bad record。
你又可以報警，但係你都要比錢先﹗

所以......卡能方便，也能不便﹗

1. 只要於繳費到期日(直接入卡戶口)或之前(其他繳費渠道egPPS需時處理)繳清月結單上的總結欠就不會被罰息。
2. 唔係,只要有錢存入(不論是現金、戶口轉帳、PPS等)卡戶口就已經算還款。
3. 信用卡的密碼是用主要用於提款機或存款機,若信用卡本身只含信用卡戶口並沒有連接任何存戶口的話,而卡主又唔會利用信用卡作透支的話,密碼可不理會。被人執或偷當然係有機會招損失,所以就要盡快通知發卡機構停卡及報失,(補發新卡通常要繳補發新卡費)。有人會在卡背面故意簽假,或多簽幾個實行以假亂真,令盜用失效。
4. 可以,但好多時都商戶會提你未簽(到時你即時補簽,佢都會接受),而謹慎的商戶會問長問短甚至要求核對身份證。

1. 上面寫交費的方法已很詳細, 同埋睇月結單背頁，都有列印出交款的方法。
而月結單上通常會印上Statement Balance(結單結欠)即在結單(截數)日期的總結欠, 你須於 Payment Due Date(到期邀款日)日期或之前繳交. 如過期將被加收財務費, 新簽交易金額亦將須繳交財務費.
如分期付款每月只須還$156.7(分期付款合約上註明數額), 而你無其他簽賬, 咁月結單上就只有一個入賬, 總結欠自然會是$156.7, 應唔會有其他.

2. 基本上你可以叫任何人幫你去付款, PPS, 支票, 銀行過數, 甚至你可申請自動轉賬(但唔建議咁做, 查看月結單有無問題才付款, 比較安全). 最重要是你給他們你信用卡的卡號碼一定要正確.

3. 密碼只是用在提款機, 因為提款機對唔到簽名. 而購物消費是當面簽信用卡單據, 有關職員須對簽名核實. 故你的簽名不可太簡單, 遺失後必須盡快報失, 報失後有關簽賬數額, 基本上你可不必負責。

4.沒有簽上名字的信用卡是不能簽賬, 你一定在收到新信用卡後, 馬上簽署同信用咭申請表一樣的簽名. (信用卡條款通常都有列明如: 會員收到信用卡時, 應立即在信用卡上簽署. 會員未有或延誤執行有關程序, 一切後果概由會員負責). 如你未簽上名字的信用卡遺失, 人們便可隨便簽署在卡上, 再用卡去消費, 因簽名一樣, 店員不能覺察. 你有可能須負責所有損失, 因是你的疏忽.