食什麼東西,同有咩方法可以,皮膚白?謝謝"

食物：首先，冇話食咩會白，不過食錯野就會黑！
紅蘿蔔，芹菜，木瓜等有胡蘿蔔素既食物會積聚黑色素，曬太陽就會黑，唔會黑就會出雀斑，唔曬既話皮膚會變黃架。我問過皮膚科醫生架，百分百準！
胡蘿蔔素對人體好健康，特別係ＢＢ仔，不過為左白！！姊妹們！加油！

我唔知你係已經黑左想白返，定係想Ｋｅｅｐ住白。
如果已經黑左呢，我提議你冬天先做美白，因為冬天太陽紫外線低，皮膚太久冇曬就會慢慢變淡，再加多幾錢肉緊！整白佢！
方法：
１）盡量穿深色既衫例如：黑，黑色能有效過濾紫外線，不過黑色唔散熱，睇下你受唔受得住～我就全部衫都係黑色架＠＠”。盡量穿長袖衫褲。夏天真係會熱死人！我知＠＠”　我就會帶件薄外套（當然係黑色架啦），要係有太陽曬到既地方行就著返佢。

２）要識得搵路行，路就一定有２邊架啦，太陽就只會照一邊（除左正午），要搵冇太陽照到既路行，兜路係好麻煩，不過靚嘛！

３）冇衫既地方一定要搽防曬，１４度～３０度既防曬就已經夠用，再高就會好焗同唔舒服喇。記得一定要搽頸，唔好以為個頭遮住點會黑，紫外線會經由任何東西反射，包括地下。如果化妝既習慣，要用有防曬功能既粉底（我用２０度既防曬粉底），夏天冬天都要用。

４）帶帽或傘，如果要去行山丫，燒野食等等，一定要帶帽或傘，甚至２樣一齊用，買既時候要注意，係防紫外線先好買。帽都有防曬架，前面係一大塊防紫外線既膠片黎既。

５）夏天流汗要即時擦乾，如果唔理佢，會變成汗斑，即係膚色會一達白一達黑。如果已經有呢個問題，請勤用性質溫和既美白面膜，例如：無香料、無防腐劑、無色素既就最好喇。情況嚴重可以一星期七日都敷，情況還好就一星期二至三次用到情況改善為此。唔好以為係唔係都敷未仲好，錯！你日日敷，臉變白左，身體其他部位仲係黑，咁未仲怪。美白要講耐性架＾＾ｖ　如果冇汗斑，淨係黑，咁一星期一次就夠喇，白到你滿意為止，白左之後，一兩月一次就ｋｅｅｐ到架喇。

６）去試下市面上價格唔高，你又唔會過敏既美白乳液，因為要黎搽身架！記得淨係要美白，唔要防曬既，如果唔係個身會好焗，例如夜間用美白，通常唔會有防曬。沖完涼，唔好用毛巾擦，用手將多餘既水甩開，然後用乳液搽全身，再用毛巾印乾身體。如果搵唔到，用普通保濕用乳液都ｏｋ。身體乾透後，你摸下自己，就會好似ＢＢ仔咁滑架喇～

最後，黑既定義好難講，可能有人會覺得我咁做人好辛苦＠＠”（我有時都覺得會ＱＱ”）不過我見到自己黑左，我會．．．覺得唔開心＠＠”唔知點解呢～
係香港唔會咁易黑，因為香港早上大霧，我宜家係外國，真係一個夏天黑幾度架＝　＝”
不過當有人問你～點解你皮膚咁好既！？　會覺得好開心架～　點解美白就係皮膚好？　因為中國人話「一白遮三醜」，當你白個陣，人地睇唔到你既污點囉！＾＾

注：一星期用一次磨沙洗臉乳，去去角質，塊臉會有光亮Ｄ～不過唔可以日日用，磨粗ｄ皮膚架～當然用個陣要輕輕～唔好咁用力啊～
注：防曬唔係人人都受得，要慢慢試到自己岩用既，３０度覺得焗就試下２０度，２０度唔得試１４度，其實效果差唔到幾多。試到岩自己用既，唔好勉強自己忍耐，如果唔係皮膚唔透氣，就會生痘痘或油脂粒架喇～

希望幫到你ａｒ～
祝你早日影相影到會反光～～ｈｅｈｅ～～＾ｏ＾