新買的雪橇成晚吠

我既情況同你完全一樣呀,我有一隻普通形既莎莎係女仔,佢既身形又唁算太大,但係就好貪玩,佢細細個陣我就困籠,我一返黎放佢出現黎就屙到周圍係,呢個情況係因為佢以為個籠係佢訓覺既地方,佢地唔會屙''烏糟''自己訓覺既地方架,你可以買個圍欄比個指定地方佢玩,圍欄內放個狗廁所比佢,之後你就可以用教玩具貴婦的方法教佢喇~!要快d教喇,我隻莎莎就係我之前唔識教佢,佢而家9個月喇都唔係好識去~~!!!!
之於佢成晚吠既原因係佢想出黎玩呀,於是佢就扭計要你放佢出黎玩,我買第二隻迷你莎莎個時佢就係咁喇,佢叫左一晚,因為佢對環境好陌生,所以佢就係個籠到喊(姐係好細聲咁叫),之後我第二晚用條大毛巾''琴''曬成個籠,等佢覺得有少少歸屬感佢就冇吠得咁利害架喇,之後第三晚就冇叫喇,若果用呢個方法佢都好大聲吠既話,你就可以用手輕輕''連''實佢個口,之後要好大聲咁叫''no,唔淮呀"記住佢一吠就咁做,試幾次佢就會減低吠叫架喇,我都係咁教我兩隻莎莎,都幾見效架~!!
狗其實係群體既動物,但係寵物狗就比人馴化左,所以變得比較獨立,佢地細個日見夜見都係人類,佢地會以為人類先係佢地既伴侶,所以見到其他狗有d會比較細膽,唔敢行個去,有d狗就好奇,會衝過去嗅個究竟,睇下隻狗既性格而定,我大個隻莎莎第一次見到細個隻莎莎佢就好緊張,係到嗅下佢,但係佢地兩個都好緊張,所以我細隻莎莎困住佢三日我先放佢出黎,佢一出到黎我大個隻衝過去咬佢條頸咬到隻細狗叫到折天呀,我就打佢個pat pat,之後比較大力''連''實佢個口,之後好大聲講''no,唔淮呀",幾次之後都係咁,之後我去圖書館睇下d書再搵下d資料先知原來佢地係咁玩架,正常群體既狗會咬住條頸,兩個係度打交道,之後就會你追我,我追求你咁,好得意架,我個兩隻都成日咁玩,要睇下你隻玩具貴婦同雪橇玩唔玩得埋,若果真係玩唔埋既你就要係雪橇仲細時教下佢唔好玩得咁激烈,希望我既資料幫到你啦~!!!

我隻雪橇女而家3個半月大
個半月個時買返黎, 岩岩返黎個2,3晚成日嘈
總之一瞓醒就嘈, 鬧又係咁, 掌咀又係咁
後尾用條大毛巾遮住個籠, 唔好比佢睇到你
就算佢點吠點叫, 都唔好理佢唔好望佢
唔係佢會以為你應緊佢, 咁做會得到你注意既
而家我個女知道有人瞓緊覺佢都唔會再嘈喇
雪橇既性格其實都算幾小氣霸道架
同埋佢地本身係有狼既血統, 野性難馴呀, 所以一定要教好佢
比任何狗都要嚴厲D教佢, 唔係佢唔會當你係主人
你只係比飯佢, 幫佢清潔係僕人多過主人
我隻雪橇都成日蝦我隻金毛同唐狗, 又咬又吠個隻
所以一定要比佢知道邊個係大佬
食野時一定要先比你隻貴婦食先
其實佢係咪想同你隻貴婦玩呢???
雪橇真係好貪玩, 永遠都坐唔定咁
但係如果你覺得佢真係有惡意既話
咁可以分開佢地, 掌隻雪橇個咀
或者用手圈住佢個咀鬧佢
可能佢岩岩先去到你屋企
仲未習慣同其他狗仔相處,仲係有戒心, 等多一排應該會好D架喇
因為佢未打齊針抵抗力唔夠
仲有雪橇腸胃係敏感D, 唔好比佢周圍LAM野
唔係好容易肚痾架
通常狗仔瞓醒, 食完野, 玩完之後都會想大小便
你可以帶佢去指定既地方等佢痾完先擺返佢入籠囉
比D耐性呀, 你隻仔而家先2個月大
一定要慢慢教呀…加油…我好明白你感受
不過睇住隻狗狗一路咁變乖真係好開心