首先,各位請用平常心睇以下文字,千其唔好用過激既文字回應!! 麻煩哂!! 謝謝
男朋友有個契妹,聽聞好耐之前男朋友追過佢,不過被拒絕之後就開始以阿哥 / 細妹相稱!!前幾日我同男友嗌交,我今朝一早就去左男友屋企,想揾佢傾清楚為咩事嗌交同解決問題...
傾傾吓男友同我講話:"細妹失戀,尋晚我去左細妹屋企陪佢陪到通宵,都係返左嚟屋企一陣!!" 我即時呆滯當場!!(心諗:你寧願陪個細妹都唔揾我?)
佢就再講:"我真係只當佢係細妹咋,老婆!! 我只係陪佢傾吓計,飲吓酒架咋,睇住佢瞓著我就即刻走喇!!" 聲到呢句之後我再無出過聲....!!
我覺得男友對呢個細妹過份關心,有啲古怪!! 雖然男友已多次向我保證只係當佢係細妹,絕對無其他野!! 不過...我真係好介意佢地獨處, 而且同我嗌交都唔揾我,反而個細妹話失戀,佢就即刻出去揾佢,咁算點呢?? 唔通細妹比我更重要?? 好唔開心呀,可以點做??
請各位比啲意見!! 謝
2007-03-19 10:38 pm
回答 (3)
2007-03-19 11:09 pm
✔ 最佳答案
我覺得, 你試下稔番你地之間既吵架係咪會令你地唔睬對方幾日架?? 咁樣樣既吵架對你地黎講又係咪第一次呢?? 你知啦, 兩毎人吵架, 有時會成日唔想搵對方, 令大家冷靜下先. 若果真係此情況, 其實你地分開冷靜其間, 對方做乜野事 (當然要正當啦~), 都唔構成 "佢陪第二個都唔陪你" 架喎. 至於佢同佢個妹既關係, 要睇下做左幾耐 "兄妹", 同埋平時既相處. 外人好難去衡量. 不過成件事既關鍵係你信唔信佢地既兄妹關係. 如果唔信, 我地比幾多意見都冇用.
你男友一定繼續堅持佢同佢個妹係兄妹而已, 你基本上冇乜野可以做, 除左由件事算數之外. 同埋都係睇番你地以前吵架後既模式係點, 再客觀睇下今次你地吵架後既處理方式係咪正常先. 若不正常, 佢對個妹又似乎太重視了. 若正常, 咁你都要同佢講話你唔鍾意佢同女仔通宵, 等佢下次識做~
參考: http://mypaper2.ttimes.com.tw/user/011222/index.html (我的思想空間)
2007-03-20 12:59 am
你男朋友咁關心佢細妹...咁你都要關心下佢細妹～你識唔識佢細妹呢？唔識既話就叫你男朋友介紹比你識～有咩理由做阿嫂都唔識細妹呢？你都試下關心佢細妹，同佢細妹傾多Ｄ，開解下佢對佢細妹好Ｄ，最好做埋朋友～跟住順便介紹埋Ｄ男仔比佢細妹識～咁你做阿嫂關心下細妹既事都好正常丫～點講會容易令男朋友介紹細妹你識呢？你可以試下同你男朋友講,「我見到你緊張細妹既事搞到自己都好唔開心,我見到你唔開心我都好辛苦...你可唔可以比我幫你分擔下...我同你細妹都係女仔...我都好明白女仔諗咩既...你試下比機會我同細妹傾下...我做得佢阿嫂,我都想幫下佢啊...老公...好唔好?」你亦應該要盡量少跟男友吵架...又或者分散自己既注意力～搵多Ｄ令自己同男朋友開心既事～你開心就唔會亂諗野了。
參考: 自己
2007-03-19 10:50 pm
淨係咁好難講D乜架喎, 我有個男仔朋友都特別關心女性, 謹此而巳
收錄日期: 2021-04-12 23:44:26
原文連結 [永久失效]:
https://hk.answers.yahoo.com/question/index?qid=20070319000051KK01669