整蛋糕!!!!!!!!!!!!!/.\

1)要打起d蛋, 首要個打蛋盆一定要乾淨,特別唔可以有水有油, 要乾爽至好

2)蛋要一早係雪櫃拎定出黎,太凍既蛋係發唔起架, 你亦可以發蛋時將個盆放係另一盆熱水上面打蛋(50-60℃), 咁樣可以加快打起既速度,而且加入麵粉時個麵糊更細緻

3)蛋同糖擺埋一齊,用手發蛋時應該用手腕力, 唔需要大大力打圈咁發, 左右左右咁樣都得

4)個盆可以微微傾斜咁打,蛋同個打蛋器接觸面越大,發起既速度越快

5)唔好過度打發,個程度去到七八成起, 如果你拎起個發蛋器佢係程杰杰地會慢慢流下既,就岩啦, 如果過度打發既話,麵糊係會癡實個打蛋器程勾狀,一撞入麵粉佢就好可能會化返水咁架啦



備：有另外2個方法打蛋,

第一係分蛋法, 將蛋黃同蛋白分開, 糖既份量分開2份, 一份加入蛋黃發至杰身,
另外打蛋白呢,先要將蛋白打起一半(體積要明顯增大2-3倍) ,再加入糖繼續打(為免一開始糖太重令蛋白打唔起所以遲d先落糖既), 打到佢可以癡實個發蛋器程勾狀就可以啦
之後將蛋黃漿分2次加入蛋白, 再加其他野

第二係加乳化劑既方法(我相信所以蛋糕專門店都有乳化劑賣,一盒都係$2x)
照返你原本整cake咁去做,只係一開始加乳化劑一齊打蛋, d蛋會好容易打起同埋好細緻

例如你整海棉蛋糕的話, 就更加容易,一開始將所有材料(除左牛油)倒哂落個盆度,加埋乳化劑一齊打, 打起左先加返牛油, 個麵糊就可以拎去焗啦

一個6吋既海棉蛋糕材料：
乳化劑 10g
蛋 2隻 (中或大蛋)
糖50g
麵粉50g
溶牛油 20g



比較3種打蛋方法,
第一種傳統[全蛋法] 既成功率比較低, 但係口感組織幾好
第二種[分蛋法]既成功率都尚可, 做出黎既蛋糕體積會好好,但係比較"鞋"身
第三種用乳化劑既成功率好高, 做出黎既蛋糕又鬆軟又好味

我會建議用第三種,因為真係好味d架,而且唔會貴左,因為通常用第3種都比前2種用少d蛋既~希望幫到你^^

如果用人手打, 最好坐暖水打 (不過要小心唔好整熟d蛋)
或者你可以出去租個場整蛋糕, 人地一定提供專業工具比你.
最重要係唔使自己洗.

我之前去過一間shop租場, 價錢唔貴你可以睇睇.

http://hk.geocities.com/sakura.baking

買一個小形電動打蛋器也是非常便宜一百多一點

2007-03-19 00:37:04 補充：
用手吃力不討好

早D把雞蛋放响温室地方，發蛋時坐著暖水打。