想同媽媽散心 , 澳門珠海3日2夜遊

✔ 最佳答案

好欣賞你嘅孝心．

的確，住珠海係會平D，而且復活節，澳門酒店都會比平時貴好多（估計超過一千蚊一晚），但係住珠海，去澳門玩又要再過關，又要排隊，費時失事，如果響珠海玩，新D嘅地方都要成個鐘頭車（唔去又唔知點玩三日咁耐），又係費時失事．

建議你可以響澳門住一晚，響珠海住一晚．

唔知你媽媽鍾意玩乜嘢，或者年紀有幾大，試下提供意見俾你參考．

第一日可以去澳門，去到之後，去下D名勝古蹟，食下嘢（先響碼頭嘅visitor center攞返張免費地圖同埋visitor passport，裡面有Discount coupon，可能用得著㗎）．可以先去漁人碼頭（就響碼頭旁邊，如果想去賭場睇下，玩下，可以去金沙－響漁人碼頭旁邊，金沙有D老虎機，５個仙一舖，幾十蚊可以玩一日），如果時間差唔多lunch，可以響漁人碼頭食lunch（可以試下間泰國菜，都幾好，或者非洲村食燒烤，不過全部都係肉，唔一定岩老人家食，而且漁人碼頭食嘢比較貴，但係如果晏到澳門，又鍾意飲茶，可以一到澳門，就去碼頭樓上間海港城飲埋茶先去玩），然後，響漁人碼頭坐佢D豪華房車（日產Cefeiro 2.0）去大炮台（澳門市內定額收費$30，如果坐的士，應該會平少少，係廿幾蚊），之後，響大炮台入澳門博物館，行完澳門博物館，響大三巴牌坊方向出黎，之後，可以選擇去媽閣廟（如果鍾意拜神）＋海事博物館（響媽閣廟對面），或者去旅遊塔（塔高３３８米）食下午茶buffet（如果想去，聽講中旅有船飛＋下午茶buffet嘅套票，比較平），響大三巴，可以行去新馬路（大約10分鐘）坐巴士去，然後，可以去氹仔舊城區（旅遊塔門口就有巴士去氹仔，坐的士，大約$40），食下小食（大菜糕，豬扒包，燕窩撻，木糠布甸，出爐cake仔），去龍環葡環葡式住宅博物館，之後，如果想食埋晚飯先，可以去舊橋頭峰景餐廳食蟹粥，或者去小飛象，木偶，露素等等食葡國菜，或者去大東，紅記食中菜小炒（大東嘅燒肉好出名）．．．．

住邊呢？路氹填海區有間金都酒店（響氹仔可以坐的士去，應該只需廿幾蚊，響龍環葡韻嘅海邊望出去都見到），佢有個水療坊．．．每人$188入場費（加一五，但係你可以去到即時免費申請VIP卡，可以即時享有九折，即係一個人唔使$200，農曆新年冇加價，復活節都應該唔會加），可以玩１２個鐘（入去開始計，如果響外面heei到九點零十點先入去，可以”玩”到第二朝九點零十點，當你要訓八個鐘，咁都仲有四個鐘玩下．．），入到去，可以先去桑那（免費），，去休息區睇下電視（都係免費，如果想做腳底按摩，就要錢，好似係$60），可以打下麻雀（電動麻雀檯）同埋唱下K（要錢，不過好平，大房兩樣都有得玩，$30個鐘，細房，只有麻雀，$15個鐘），又可以去健身房玩Gym，去玩Golf練習場（都係免費），或者去打機（$4一局），之後食個宵夜buffet（又係免費），然後去睡眠區（男女分區）訓覺（唔收錢），訓醒食埋個早餐buffet先走（響裡面，可以隨便叫嘢飲，叫嘢食，全部都唔使錢，buffet全日２４小時供應，又係唔使錢）．

第二日玩完，坐酒店嘅免費穿梭巴士，去關閘，過關去珠海．

響珠海，可以響拱北關口地下商場行街shopping（記得要講價），睇下你想住邊？如果住拱北，可以考慮住華僑賓館（響關口對正嗰條迎賓南路右邊，關口行去，大約15分鐘，坐的士$10，佢大約三年前大裝修過，都OK，房價大約$200晚），可以住金葉（近關口D，就響關口望出去，左前方，但係舊D，都係$200左右，其實間間酒店價錢都差唔多，除咗D四五星嘅）．

響珠海玩，可以考慮去御溫泉（浸溫泉）或者海泉灣（機動遊戲＋休閒設施，幾個月前去過，可能太新，好多嘢都未整好，而家就唔知），都可以考慮響嗰度住一晚，但係比較貴（平日都好似要四五百蚊一晚，假期應該會貴好多），如果住拱北，去嗰邊又稍遠（響珠海西區，個幾鐘頭車，香洲有巴士去，拱北唔知有冇），如果坐的士，單程一百蚊（可以試下講價，好彩嘅，七八十蚊有機會去到）．

如果唔玩西區咁遠，可以去下珠海漁女（響香洲海邊），去下園明新園（響前山附近），去下海濱公園，去做下按摩（$30~$40一個鐘），食下嘢，行下街．．．個人唔覺得珠海有乜好玩．可以考慮去中山，翠亨村國父故居，順便去下廣東四大名園之一（如果冇記錯，好似叫做詹園），都係響中山，但係靠珠海嗰邊，比珠海西區仲近．sorry呀，唔識教你點響珠海搭巴士（自己一係揸車，一係搭的士，如果坐巴士，記得要小心財物）．

如果唔係買咗套票一定要響澳門走，可以考慮響九洲港走，坐船去九龍中港城碼頭，一個鐘左右一班船，最夜好似係7:00，船費比港澳貴（你最好先上網查下資料先），但係唔使再排隊過關咁辛苦．再唔係，刺激D，響拱北可以坐車去深圳羅湖（車程大約三個鐘，車費$80~90），經羅湖返香港（順便響羅湖行下街），如果真係要經澳門走，去到澳門關閘，睇下有冇金沙或者漁人碼頭嘅免費穿梭巴士（去到金沙或者漁人碼頭，可以行去外港碼頭），再唔係，都可以坐葡京或者星際嘅穿梭巴士，去到之後，再轉佢地去碼頭嘅穿梭巴士，咁就唔使排隊搭的士，又可以慳返D錢．

希望幫到你啦，有問題可以再問．
圖片參考：http://hk.yimg.com/i/icon/16/1.gif

想同媽媽散心 , 澳門珠海3日2夜遊

回答 (3)