✔ 最佳答案
水一定唔係令兔仔屙爛屎嘅原兇, 兔仔係需要大量水份嘅動物, 但如果你俾咗D唔乾淨嘅水佢飲, 佢就可能會肚屙喇.
另外, 如果你俾得太多零食or糧佢食, 佢會營養過多而屙軟便(一粒粒黐埋好似葡提子咁, 而且會幾臭).
而家你先要唔好再俾零食兔仔, 過多一兩日如果佢仲係屙爛屎, 咁就可能係佢食咗D污糟野攪到肚屙喇, 你要帶佢睇醫生.
仲有, 兔仔應該係每日都食好多草, 另外一日要俾兩餐糧佢地用來補充營養(兔B一餐俾10粒8粒就得喇, 成兔就要一餐俾一湯匙), 而且仲要俾小小大葉菜佢地食e.g.生菜, 菜心, 白菜, 芥蘭(紅蘿蔔其實唔啱兔仔食, 因為糖份太高), 最好唔好俾太多零食佢地, 因為零食無益, 食得太多糧同埋零食亦會令佢地唔肯食草, 跟住又會屙爛屎囉.