在香港買樓,應選擇什麼方向最好

1) 向東南,本人住過東南樓,真是very good,冬暖夏涼!
2) 向東: 一早日出便有柔和的陽光入屋,不會太熱,幾好架!
向南: 冬暖夏涼,風水好!所謂"千金難買向南樓"
向西: 本人不會揀,因為日落D太陽好猛烈,尤其夏天,令成間屋好熱,到放工回家就熱到爆,至晚上也散不去,成日開冷氣,令電費又交多D了!
向北: 冬天吹西北風,會特別凍,好難頂!
3) 睇海景好靚,不過太近海就no good,屋內D傢具好快退色or生,因D風會帶有海水的鹽份,如果有老人家,會成日風濕痛
向山景就即是冇乜景,除非個山好靚啦!係香港D山,多數係有公路or墳場,冬天亦會幾大風幾凍架
4) 最好揀東南/南/東,加上現場景觀啦!最重要是自已喜歡和感覺舒服!

希望你可以找到個滿意的安樂窩!!

我現在住東南樓,可能我這裡又高又當風,無論夏天或冬天,晾衣服不消兩天便乾了,並無特別潮濕,反而冬天日頭曬到下午3時多,故下午仍非常光猛,東南樓真的很好!

向南的是好... 但閣下請注意, 東南樓是較潮濕的, 因為一般日照時間大短, 所以如果閣下所購入的單位是位於較潮濕的地方,建議選擇西南, 因為日照較長, 又不失南風

在買樓時,一般海景單位會較山景高約5%,而亦較樓景高 10-15%, 而且較而賣出,因為大多客人都歡喜海景,但當然,貴買貴賣, 平買平賣...

最好當然是向南, 冬暖夏涼, 在香港, 向東的遇颱風時會好勁, 早上太陽曬入屋, 向西會西斜,特別熱, 向北冬天會好涷, 所以最好是向南, 但亦最貴.
香港向海的亦會貴, 除了景觀美外, 有海風吹入亦很好, 不過, 如果太近海, 海水帶鹹, 容易生锈.