✔ 最佳答案
我認為你同你男友既事,應該與你同個第三者既事分開黎處理。
不妨先問下自己二個問題:
1) 你係咪重鐘意你男朋友?
2) 你鐘唔鐘意個第三者?
如果你重鐘意你男友,咁答案已經好明顯,你唔需要再考慮個第三者,佢根本無可能破壞你同你男友既感情。係,你男友無以前咁關心你,又細路仔脾氣,但係你係咪會因為咁而唔再鐘意佢先?咁你同佢一齊,係因為佢好錫你,定係因為你鐘意佢?如果你真係因為佢錫你至鐘意佢,咁你要考慮下你係咪鐘意佢囉,否則咁既關係的確好不健康。
重有,佢係咪一直都咁細路仔脾氣?如果佢一路以黎都係咁既性格,咁你同佢一齊個陣已經知道啦,到依家至話唔鐘意?你係咪俾緊藉口自己去同第三者發展呢?
好,如果你覺得男友咁唔好,咁你又要諗下,你係咪鐘意個第三者?係因為第三者鐘意你,你至心思思?定係因為你好鐘意個第三者? 再進一步諗,你鐘意個第三者,咁個第三者係咪真係咁鐘意你?唔好忘記,如果你選擇第三者,你有可能會為左段地下情而犧牲你同男友既感情,佢值唔值得你咁做先?如果你認為值得,咁go ahead!但我好懷疑個第三者係咪真係咁鐘意你囉,如果佢真係咁鐘意你,就唔會要求你同佢發生地下情,而係要求你飛左你男友,同佢一齊啦!作為一個男人,點可能忍受自己個女友心入面重有另一個人架?
就算你同男友分手而選第三者,都無人有權話你既。不過值唔值得,你自已諗下先啦。