異地戀:( help plsss 20分

在你所打的文字我可以看到
你的用情很深,
而且你也深知
你的男友也很愛你

兩情相悅,還怕什麼?
如果兩人真的真心相愛
一定能手牽手打破所有的障礙的

你可以告訴他
不論你怎樣,你還是愛著他,你會等佢
如果佢讀完書番黎,
仲係咁中意你的,你地就響埋一齊,再過回幸福生活
我相信,如果你地兩情相悅,一定能等到那一天的!

如果佢番左黎,但係同左第2個女仔一齊
你還傷心什麼?
你不是愛著他麼?
你不是也希望他得到幸福嗎?
如果他真的找到自己的幸福,你應該祝福他呀!
然後再找一個好男人,和他一起,
讓他知道你也得到幸福,讓他放心呀!

最後,我祝福你,能夠等到那一天哦!
有咩問題可以msn我:[email protected]

其實你知道你男朋友都好大壓力, 點解仲要俾壓力佢呢? 我係你男朋友, 都怕咗你啦, 咁大個人, 要識得分輕重....做人女朋友, 唔識得幫個男朋友減輕壓力, 仲要俾埋壓力人地父母? 我覺得你自己需要反省下囉....你今年幾多歲? 思想行為成個小朋友咁, 有事淨係識得喊....淨係睇自己點得架...去外國讀書係對你男友前途好的, 但要適應新環境又唔係咁易, 為人父母, 你估佢地好想個仔去到咁遠咩? 你唔幫佢個仔之餘, 仲要打電話嚟喊苦喊忽....思想咁幼稚, 邊個想同你一齊呀? 去到外國, 無錯係好多引誘....不過, 你覺得香港無咩? 如果佢唔出國讀書, 你咁嘅思想, 咁嘅行為, 佢會有第三者都係你自己做成的, 你真係愛佢, 就要俾空間佢, 俾信心佢, 俾信心你自己, 我諗你暫時唔好打俾佢會好啲, 因為我估佢都會掛住你的, 試吓寫信啦, 寫啲開心嘢, 唔好吓吓都話你幾掛住佢, 幾想佢返嚟, 幾想佢喺你身邊, 仲有唔好講覆唔覆合嘅嘢嘞.....當佢係親人一樣, 關心佢, 同佢分享你生活上的事物, 佢有無時間, 有無心情回覆一件事, 起碼佢會覺得你大個女咗, 成熟咗....可唔可以喺返埋一齊, 隨緣啦....就算依家俾你喺返埋一齊咁又點, 咪又係要分隔異地? 不如打好感情基礎先至算啦....做好自己....使乜喊喎....

2007-03-19 02:29:03 補充：
會考考好啲....繼續讀上去....如果唔係等到佢返嚟, 差距太大又係另一個問題嚟架啦....ps請原諒我語氣重咗少少...

你好想去愛人？你有セ實力？英俊？靚？學業全校10名內？全公司至佳的一位..男女均要求以上條件
示愛你發荳芽夢可以？無是力你不好去馬.否則瘀到大個

點解要分手? 相愛一定要日日見住? 唔得就要分手?

我同我男朋友拍左拖半年佢就去左australia, 到而家都5年喇
初初我同佢都同你地一樣....唔開心
因為好唔習慣自己一個人呀.....佢又係好唔慣自己一個人生活(我男朋友係好文靜果D人)

不過慢慢習慣左都冇乜野呀....5年我地都係咁過啦

而家你地分左手, 但係又咁愛對方, 成日掛住諗呢D, 點集中溫書呢?

兩個人相處最緊要相信對方, 一個男仔第一次自己一個人生活, 又要返學, 又要洗衫煮飯一腳踢, 真係好辛苦架, 你應該多d體諒佢。我BF咪仲忙, 又要返工, 又要返學, 又自己一個麻甩佬住, 你知澳洲咁大車程遠架啦, 真係唔夠時間用架。我次次打電話比BF 搵唔到佢, 想發脾氣果陣都係諗返呢一點, 咁通常都可以calm down 架喇, 哈哈~

其實我覺得你地應該好好傾下.....如果佢係仲中意你, 一定會接受返你的。你可以試下寫封信比佢啦, 話比佢知你點諗, 男人唔迫得架, 你愈唔緊佢佢就愈會搵你!

你可以同爸爸媽媽商量下, 考完會考, 等到6-7月佢地放寒假果陣飛去澳洲探下佢見下面, 了解下佢既生活同朋友, 咁會安心好多 ^_^

2007-03-18 16:27:26 補充：
留埋我 MSN 比你啦: [email protected]有野問或者傾下計都好, 我係過來人 ^_^

吳若權寫過：

愛情里沒有兩顆心，也不能叫做愛情。

“愛”字收藏一顆完整的心，代表珍惜。

“情”字依靠一顆站著的心，代表陪伴。

我建議你們兩個都要相互地為對方想，雙方現時都有很大的困難，是相互支持的時候，如何成為彼此的力量是很重要的。有時不要太過於注重自己的感受，反而忽略對方的感受。我建議你們可以暫時各自為自己的目標奮鬥，未來會如何，誰也無法預測。