信用卡一問...有穩定工作和收入申請信用卡較容易?

每間信用卡公司要求既年薪要求都唔同，一般需年薪達 $60,000.00，係香港永久性居民 ，同埋年齡 18 歲或以上 (咁你都有22歲啦)，咁申請人要將以下既文件連同信用卡申請表寄返信用卡中心
(1) 申請人之香港身份證。
(2) 附有閣下姓名、戶口號碼、 銀行名稱，及最近三個月薪酬證明之銀行月結單/存摺。
(3) 現居住址證明，例如： 銀行月結單 。
(4) 其他資產證明 (如有)，例如：定存單等。


當然，有穩定工作和收入申請信用卡較容易。銀行是怎樣決定申請人有穩定工作， 其實，銀行批卡係要計分架，有d職業會少分d，好似你講的導遊、售貨員未必有定額月薪，做野做得短時間 (剛畢業/轉工) 都會少分d，咁係一間公司一年緊會少分過3年啦，另外，要供養人，同唔駛養人，又有唔同分，係自己銀行的舊客戶，都會多分d，有其他資產證明又會加分。所以，年資、工作性質，工作崗位，入息、供養人數，現有貸款金額，現有信用卡張數，資產，信貸紀錄等等，都係影響批卡的原因，不過，間間銀行都有少少唔同的。