為什麼信用卡未能接納審核?

每間信用卡公司要求既年薪要求都唔同，渣打普通卡要求年薪達 $60,000.00，
一般都要係香港永久性居民 ，同埋年齡 18 歲或以上 (咁你都有22歲啦)，咁申請人要將以下既文件連同信用卡申請表寄返信用卡中心
(1) 申請人之香港身份證。
(2) 附有閣下姓名、戶口號碼、 銀行名稱，及最近三個月薪酬證明之銀行月結單/存摺。
(3) 現居住址證明，例如： 銀行月結單 。
(4) 其他資產證明 (如有)，例如：定存單等。

你有冇寄齊哂文件比銀行呢？如果少左d，銀行都可能唔批架。另外，其實銀行批卡係要計分架，有d職業會少分d，做野做得短時間 (剛畢業/轉工) 都會少分d，咁如果你有用開個間銀行既戶口，銀行話哂算知你既往來情況，係會易批d架，咁如果你係用支票出糧，對入息證明黎講係差少少既，唔知你當時有冇提交糧單呢？而且間間銀行都有唔同的準則，咁渣打唔批，咪申請過第二間囉。

其實，如果你有份正當職業，達到上述要求，有齊文件，冇不良紀錄 (信用卡欠款，私人貸款逾期等，信用卡公司都可以係個人信貸資料庫 (環聯資訊有限公司) check 到你的資料......一般都會批卡比你

銀行批信用卡係以每次既資料計既，如果你今次唔批，
你下次提交既資料 ok，而當時銀行查個人信貸資料庫亦 ok 的話，
咁咪會批囉，唔會今次唔得，以後都唔得既

個人認為渣打信用卡唔難批，我自己都申請過幾次，次次都批，信用額都唔細，上次只係 7日就批完寄埋張卡比我，今年仲 update 到白金卡添，申請信用卡個個人都唔同架，可能你朋友儲蓄多過你呢？又可能佢唔駛供養人，你要呢？另外，唔同職業亦唔同架，所以冇得比較既。今次批唔到唔緊要，遲d再睇下有冇好既禮品先再申請過啦！

希望幫到你