公屋入息審查，急急急！請大家幫幫手！

我最近都經過完公屋入息審查,因我屬自僱人士所以公司都幫唔到我簽嗰封由房署提供嘅入息証明嘅信只另外提供返我過去6個月响公司所出嘅總收入.但房署並唔接納呢封公司信所以就另外要我去多一日房署度做宣誓証明返我除咗公司出嗰6個月嘅人工外並冇收取其他花紅,雙糧等.另外亦會check返你本存摺睇返你嘅資產會唔會超過佢嘅限額.所以你如果要4月先簽到封信你最好打咗簿先攞咗個收入証明俾佢地睇先.不過我想問返你份工係咪申請前一路都冇做架直至舊年9月先開始做?你本存摺會唔會睇到你呢6個月嘅出糧記錄先?如果你有2至3個户口最好拎本最少錢嘅存摺去見主任,唉費事影响倒你嘅審批啦!除非你得一個户口出糧而你每次打簿都會有記錄,你冇得唔認咁就例外.或者穩陣d你打去房署問咗先如果你欠太多資料帶唔倒去房署見主任的話佢地可能會安排你另一日帶齊所有文件先再去見主任.但個時間可能會安排於兩個月內嘅某一日即係唔會你27號去唔倒就安排返你28號去見主任,所以你最好早d準備好所有文件費事擔誤咗個審查時間.至於人工我都係唔穩定所以佢只會加晒你6個月嘅總收入再除6睇吓你平均每月有幾錢收入.其實見面時唔使太緊張照實情講就可以(不過你要睇返你之前嘅資料同宜家有冇唔同,例如你之前冇股票但宜家有,如果你冇任何証明咁你最好唔好講當冇買就算.因為呢d有可能會影响到你嘅資產審查架!!因為你由申請至今嘅所有記錄佢地都有keep住,所以你嘅所有資料都要踉實情講唔好呃佢地因為俾佢地check倒可能會取消你地嘅資格架,除非你冇正據俾佢地捉倒啦哈哈!!)仲要千祈唔好著到周身名牌只要衣著整齊,談吐時有禮貌就okay,祝你成功啦!!

我之前都試過約左我一月二日，但係因為先生收入証明未得無去到，當日打返去房署，房署話你離左先見主任，再後補都得。所以要再約過至四月二日。
另外，你份工係咪申請前一路都冇做架直至舊年9月先開始，那lee份工即未報稅 ? 房署應該沒有此工作資料查你 !!! 你報左會唔會超過入息限額 ?