我想請問..............

我以前開過鋪頭賣衫, 所以都有啲經驗可以同你分享o

荔枝角香港工業中心(你唔需要擔心地址問題, 荔枝角地鐵站有得睇, 好似係c出口)
逄星期一至六開10a.m.至7p.m., 裏面真係包羅萬有, 日本貨(少)/ 韓國貨/ 大陸貨(自己設廠)都有, 不過以自己大陸設廠為多o 你要自己逐行逐行行吓睇吓有無你想入o既貨, 又可以問吓個價錢, 每個款要入幾多; 不過你一定要帶定咭片, 因為而家啲商戶執得緊咗, 佢哋怕你攞人哋啲款去抄, 或者同行問價o 佢對面有個長沙灣廣場, 樓上二三樓都有好多批發行,

深水埗長沙灣道成條兩邊都係賣廉價大陸貨, 花園街, 旺中o個啲衫款幾乎都喺呢度入o 但係入貨量相對比起香工要入得多啲!! (所以視乎你想做邊類型客路)

佐敦最多靚衫, 正宗日本衫, 歐洲衫都可以喺呢度入, 金鋒大廈(裕華對面"公和"(定"人和")荳品店隔離, 又或者山崎麵包隔離幢大廈(唔記得叫乜名), 你又可以逐層逐層行, 入貨價最貴, 由一兩百至過千不等o 連jelly beans都有得入架.....不過你要記得一定一定要帶咭片, 佐敦啲商戶好寸, 佢覺得你白撞就真係唔俾你入去睇貨, 門口又要禁鐘先入得去, 一定會問你攞卡片同問你喺邊度開鋪o

奉勸你一句, 做高級啲o既時裝千其唔好揀九龍區做, 會做得好辛苦, 貴租不特止, 仲要被人壓價壓得好慘, 又賣唔到貴價嘢, 香港區顧客質素好好多, 不妨考慮去銅鑼灣一帶二線或新場做....

祝你好運

深水涉,長沙灣工業中心,香港工業中心(mtr茘枝角)有好多好多批發鋪頭,要去自己睇!