✔ 最佳答案
咁嘅情況,都算係星期六嘅,仲要提前同酒店講定,你要late check in,否則,去到分分鐘房都唔留俾你,而且,星期日中午,一樣要12:00 check out,冇得訓晏D.
咁樣住一晚酒店,真係好無謂喎(如果星期六超貴,就更加無謂).俾個”另類意見”你參考下.
澳門路氹填海區有間金都酒店,佢嘅水療坊有得玩有得訓,而且收費唔貴,$188一位(另加15%,但係你可以去到即時申請VIP卡,有10% discount,即係一個人$200左右),由你入去計,可以玩12個鐘.澳門外港碼頭好似有免費穿梭巴士去,如果你零晨先去到,可以先去食個宵夜buffet(唔使錢),食完去睡眠區訓覺(男女分區,免費,如果要男女同房,要另租房間,好似係$150),訓醒起身,可以盡情享用佢嘅免費設施(桑那,健身室,Playground,小型Golf練習場,休息區睇電視,小型電影院睇戲),同埋隨時隨地任點任飲任食,亦可以去餐廳食buffet(唔係好多嘢食咋).收費嘅其他活動,包括Spa,按摩,打麻雀(電動麻雀檯),唱K,打桌球,乒乓,打機,不過都係收得好平.
希望幫到你(唔係賣廣告,金都我冇股份,亦唔係員工,冇得分紅).
圖片參考:
http://hk.yimg.com/i/icon/16/1.gif