請入呀...

首先我鼓勵你找學校社工分享下你的情況，主動去，他們是受聘幫同學的﹗
你在人際關係上的問題，我提議一大一小點
大點﹕「存款」
我們人與人之間都會有一個感情戶口，可以存或提款，對人好，是存款、罵大交是提款，你與媽媽、樓下看更的阿伯，都開了一個戶口的，
我請你努力向你的同學(當然都可以同其他人)多多存款﹗積小成多，看你可否推倒現況，舉凡

一句早晨、
唔該、
你今日好叻、
多謝你對我的鼓勵、
你今日個句回應的話好正、
或提同學記得帶東西、
不計較自己多做一點事......
請舉一反三，想出要使自己人見人愛的行動。
圖片參考：http://hk.yimg.com/i/icon/16/1.gif

小點﹕讀好你的書，你會因此成為別人欣賞的人，將自己變成一個不再平凡的人。

樓主, 我同你分享一件事

以前我係唔唱k 既, 因為我五音不全, 我一出聲, 的人就笑我, 雖然佢地無叫我唔好唱, 不過我好自然就收口, 唔再唱, 後來有一次, 有個 fd 又係五音不全既, 不過佢唱得好大聲, 重跳埋舞 tim, 我就問, 點解你咁大膽, 唔怕比人笑咩? 佢就答, 佢又唔係考歌星, 唱得差又如何, 開心就ok

呢件事, 對我影響好大

因為首先, 如果件事你好少去做既, 做得差, 係一定既, 如果怕比人笑而唔去做, 就一定唔會進步, (有咩人天生咩都識既~~ right?), 盡左力, 就笑罵由人, 因為你最少同自己有個交代, 呢樣係我學到既第2樣野

而你既情況, 係你自知自己唔識交際, 但從未踏出第一步去學點同人溝通, 因而產生好多負面反應, 再進入惡性循環, 如果你想法一直係咁, 唔好講係退步, 你自己企係咩位置都唔知

要知道, 強如特首, 亦一樣有人挑戰, 弱如貧民戶, 亦有人聽佢地講野, 反影心聲, 重點一句, 就係肯講 / 肯做, 做事有承擔, 講真, 你想一件事做出黎全世界認同, 係無可能既, 同理, 全世界反對, 亦無可能 (正所謂曹操亦有知心友, 關公亦有對頭人), 如果你認為無錯, 你何妨繼續做?

而如果想交際圈大的, 真係簡單到你唔信, 就係見面時 say hi, 走時講 bye bye, 你好快, 會有朋友, 當你有朋友就知, 其實佢地面對既情況, 同你無分別, 分別只係處理方式, 你估佢地無交友壓力? 功課讀書升學壓力? 心事煩惱? 其實個個都一樣, 將的唔開心野, 同的 fd 講出黎, 心安的, 亦舒服的.

p.s. 當你唔見左野時, 有可能係的同學同你玩, 等你問.....有冇人見我的野呀...呢句, 再同你交友, 係非常普通既, 你想下, 學生有咩花招去交友識人? 除非係有錢仔帶去玩, 否則未又係果幾招, 有可能係你既淡然態度, 令你無左的朋友~~ 當然, 亦有可能係同學惡意, 但如果你自己唔係十惡不赦既人, 總會有人幫你掛~right?

總之, 你試下大膽的同人傾計, 人地唔 approach 你, 你就去 approach 人, 好老實, 先 approach 人既, 得益比其他人大得多

p.s. 本人就係咁練返的膽返黎既, 我試過專登去的陌生人團體三日二夜團, 唔識人唔得果種, 你就會發現, 識人 / 交友, 比你想像中易得多, 而世界, 亦比你想像中美得多, 共勉之 ^^

不要少看自己. 對自己要有信心, 凡事向好的方向想 , 不要想太多唔開心的事

所謂人緣 - 是相向.

自己先踏出第一步, 主動打招呼, 微笑, 將所有人都當第一次見

照我睇其實你一直存在左一份自卑，你嘅自卑心另你唔可以放開懐抱去接受其他人，
你覺得自己平凡什麼事都比唔上人，慢慢你無形中同人保持左距離，而其他人唔知道就會以為你系度扮cool，如果大家是同學接觸的機會一定會好多，你常試自己踏出第一步主動同同學拉番多些少關係，你吾需要太刻意去做只要每次見到你的同學時同佢地笑下表示好感就得，慢慢佢地就會接受番你，又或者你可以到其他社團幫忙做義工，接觸的人多左對你都會有一定幫助，做人千萬不要向唔好果方面去想，有振時平凡是福並不是唔好架，記住其實每個人都會有唔開心嘅時候，只要唔好鑽牛角尖就得架啦，OK bey bey

我都悟知嚸答你好... 我覺得你同我班有個男既情况同你都幾相似.... 不如你花多 d 心思係學習上啦.. 甘樣既可以提高你成績.又可以令果d 衰人對你刮目相待... 可樂而不為呢...??