綠卡holder - 有邊個過期離境後成功入境?

我94年(18歲)跟家人移民去美國, 有GREEN CARD, 但我根本冇心留响果邊, 於是只留了兩個月就返左HK工作了, 之後每一年, 我會趁放大假返US一次, 但你地都知ANNUAL LEAVE得果十幾日, 之後我係US申請左一個叫做"回美証"既証件, 每次返去, 我都會用GREEN CARD加回美証入境, 一直都冇乜問題.....

後來我轉左工, 因工作關係, 三年都返唔到US, 02年, 我再返去, 入境時就俾海關捉左入房"傾計", 佢話我咁耐冇返去, 有權沒收我既綠卡, 佢又俾左兩條路我揀, 一係就自願放棄綠卡, 即係連移民資格都冇埋, 一係就上法庭同法官解釋, 當時我困左係房三個幾鐘, 我考慮過我唔會係美國生活, 因為我係香港發展比美國好, 就算返US, 都只係想探下家人, 所以我就俾返張綠卡海關, 佢地就只俾我留係US半年.

事隔5年, 我都冇返過去探家人, 最近因家事我必須返US幾個星期, 我只可以申請旅行簽證, 海關既人曾經講過, 我自願放棄居留, 到要申請TRAVEL VISA時, 可能批既機會會好大....

唉! 我都唔知係真定假, 申請旅行簽證, 又要有錢係銀行, 又要有份工, 最重要既, 係批唔批根本冇一個介定, 講得衰D, 咪睇下個官果日心情好唔好囉~

所以, 如果你有左GREEN CARD, 而你又打算會在美國居留, 我勸你唔好咁苯好似我咁! 你KEEP住半年返去一次啦! 如果你認為HK會比US好, 咁就唔好兩頭唔到岸, 好好諗清楚自己既去路啦! 美國人諗野好單純, 佢地會認為既然你都移民, 好應該留係US, 但又唔諗吓過到去做得D乜先得呢? 高不成, 低不就....

有D人, 過海關會冇乜問題, 有D人, 好似我咁, 咪唔好彩囉!希望呢個唔好既經歷, 會幫到你啦!

持過期美國綠卡入境時會遇到一定的困難.除非你有合理的理由(例如親人有病急需要你), 否則成功入境率很微. 不過你還是和美國駐香港領事館聯絡查詢.
http://hongkong.usconsulate.gov/