七月暑期去日本機票…點買最抵？２０分

其實七月機票已經有得訂，我自己都book咗，不過就唔係特價。

你係咪要就暑假去旅行？

係就唔好期望你以往聽過啲特價，因為暑假係旅行旺季，可能比較少特價機位，或者因為多人爭，好難book到。我舊年book機票，由agent話未出特價飛，結果一出就己經冇晒...:'( 尤其是今年咁好景，唔減都大把人去，你睇新聞話復活節團嘅踴躍情況就知喇。

如果都係想博特價機票或者package的話，可以搵啲大啲嘅旅行社問，宜家通常都會話未有價錢或未有得book，要到個零月前先有，唯有勤力啲問得密啲啦。報紙啲特價廣告唔好盡信，除非佢真係即刻話出到飛，試過好多次都係上到去先話得番1個位...唔通一人一班機咩...結果都要買貴飛。

priceline同zuji都OK，我就鐘意用zuji，因為可以查晒價錢日子同航班先confirm俾錢。不過一定要用信用卡過數，所以要早啲借定啦！價錢方面未必差得多，要視乎航空公司係咪咁啱有promo。

仲有可以搵吓有冇親朋戚友用開 Asia Miles，可以問佢方唔方便幫你出飛。話晒唔使錢，或者俾番錢當益朋友都好ar！7月去日本已經要waiting啦，係就要快手。

另外如果目的地同回程地點(東京入/大阪出)唔同的話會貴d，最好plan定行程喺同一地方走，另外時間許可又想去遠d的話，可以考慮買埋火車證。

祝你book機同旅程都咁順利！

我上次買係priceline ,聖誕節買復活機票,2500蚊來回坐UA,好抵,個時做緊特價,
你用人地張信用咭,買咪得law, 用你老豆或者阿媽都得的.通常priceline早3個月訂,一定平過市面,同一班機,永安康泰計我最少3700-4500,但我打上priceline買,2500搞掂,,佢地食水深到.你過左復活假再打上去問la,佢地做緊ana特價機,3月中時,到時一定出左,
再唔係zuji,都ok 的,都有特價位,不過網上訂,你要問左你老豆law條信用咭no.先得.
2間公司都好好,priceline係和黃集團,唔駛驚

你應該睇多幾間旅行社,再做比較,
因為依加所有旅行社都忙咁4月頭ge活節,
最好過左再去check啦
通常早報名有得便