狗狗隻眼有問題 (20分)

我隻狗之前都有類似情況，好似流膿咁，我初初以為係發炎，就試吓用狗狗專用消炎藥水。最後都唔掂，迫住帶佢去睇獸醫，檢查後獸醫話係因為猛烈撞擊而造成好似發炎徵狀！獸醫又話其實狗狗既眼球組織好堅硬，受過撞擊後可能會出現裂痕，但係憑人類肉眼係睇唔到裂痕既，一定要用螢光劑先可以睇到，先可以得到適當治療，而最後我都證實真係有人成日兜巴星佢，令佢隻眼出現裂痕而不停流膿。

雖然唔知你隻狗同我隻狗係咪有一樣既病徵，但都希望可以幫到你！我勸你千祈唔好掉以輕心，你以為佢隻眼之前無任何損傷，其實可能只係你睇唔到。所以最好都係盡快帶佢去睇獸醫，以策安全。在此祝你既愛犬早日康復！

你應該做嘅就喺去獸醫到幫佢檢查。你都識講, 佢張開隻眼好辛苦。
基本上有綠色分泌物, 通常喺發炎嘅象徵。而且佢年紀唔細, 如果你喺錫佢, 快啲帶佢睇醫生。講你知, 我最錫嘅狗仔, 眼球後面生咗嗰瘤, 令到隻眼向前突, 想幫佢開刀切除, 但因為腎功能嘅問題(年紀已老),無法進行手術。直至上年九月, 離開咗我！我唔喺想嚇你, 只希望
你明白及早醫治嘅道理