✔ 最佳答案
下身花碌碌，上身就最好淨色，因為再襯埋花碌碌上衫，萬一失手，分分鐘撞到成隻七彩顏色碟咁！除非你自問係型格，唔係既話，真係咪試。
襯咩色？簡單黎講，亦係最保守既襯法，條裙既圖案有咩色，上身就可以著咩色黎襯，但就唔計個主色，咁突出唔到個款同色。以你條裙黎講，有白色﹑黃色（希望無睇錯個花芯顏色），咁上身襯：白色﹑黃色（不論深淺，除左芥末黃）﹑粉橙（勁淺橙色），咁就萬無一失。
你無講條裙係咩質料同咩款（A字裙﹑圓枱裙﹑直身裙﹑泡泡裙？），比較難講襯咩款衫。係唔同場合，襯法都唔同；好似著去飲同普通著去街，已經大大不同！
以夏天黎講：
斯文：粉黃 / 淡蛋黃色背心（可以襯埋有少少 LACE 腳） + 白色短身（長度到腰以上個種）短袖外套 + 杏色圓頭婆仔鞋
型格：淺灰色短袖（雞奕袖）TEE + 短袖或者中袖牛仔褸款外套 + 白色短筒 CONVERSE / 波鞋
簡單：白 / 杏 / 粉橙 / 黃 短袖TEE（可以有一個大公仔頭圖案）+ 白色 VONVERSE / 波鞋
希望你明白，又幫到你喇！
圖片參考：
http://hk.yimg.com/i/icon/16/6.gif
2007-03-17 10:34:17 補充：
補充下顏色方面，俗語說：紅紅綠綠馬「褸」衣服–即係唔好紅襯綠！另外，紅色最好都唔好襯粉紅喇，兩個色都太起眼；一唔小心，仲會著到好鬼「娘」添。
