請問去完美孚打保齡球,仲有咩好去處??

我住在美孚的，希望幫到你：

吃lunch:
1)美孚有兩間飲茶值得推介，第一係陶源酒家, 位於美孚第8期, 百老匯街, 區內飲茶首選, 價錢係同區最貴, 但都可以接受, 環境食物服務質素都好好，最岩女士們坐低慢慢傾; 第二係妹記，0係萬事達廣場0個邊，位於荔灣道，荔枝角公園對面，細同迫少少，價錢平0的，但都幾好食的．另外仲有富臨，好多人排隊但質素普通；名樓就千祈唔好去，好難食！

2) 西餐: Baby Blue Cafe: 0係美孚廣場入面，環境清靜，但唔抵食；茶餐廳選擇多，百老匯街同萬事達0個邊都有唔少，我自己就覺得間間差唔多，可以睇環境來揀!

３）仲有兩間日本菜，位於妹記隔離幾間舖，拉面好食；再隔離有間食上海野，細細間的，店名有個"滬"字，價錢經濟質素又好，千祈唔好去錯一間叫"上海婆婆"，依間野超難食！

４）快餐則主要係大家樂同麥當當，仲有一間叫多多，係麵包店＋快餐店，0的包同曲奇在區內已經出晒名，萬事達同百老匯兩邊都有；萬事達0個邊還有海皇粥店．

SHOPPING:
美孚廣場：係一個小商場，有幾層，入面有些時裝店，0的衫好多都係三，四百蚊件，有日本／韓國貨，young and 成熟款，鞋同手袋都有；萬事達入面都有些店舖，但數目少0的；坦白講美孚SHOPPING既地方就真係唔多，即使行遠少少，去盈暉台那邊（即以前荔園附近），都係冇咩野行既....
一係就搭2個地鐵站，去葵芳，0個度有新都會廣場同葵涌廣場，好多野睇；另外如果係星期六下午，可以去荔枝角既香港工業中心，只有星期六下午做時裝零售，但個場好大，行到腳軟都睇唔晒!

你可以去美心或大家樂、大快活既!因為佢地既冷氣都吾錯!而去shopping咁就由你地E班女士們慢慢想吧!