被愛是幸福還是痛苦?

其實我覺得, 你同佢只係因為一齊左十年, 時間太耐,
你覺得好平淡, 對嗎? 每一段愛情, 日子一久了,
好多時其中一方會覺得自己已經沒有愛的存在,
但如果沒有愛的存在, 點解會維持到咁多年呢?
如果你講到自己真係對佢一D愛的感覺都無,
點解當初可以同佢喺埋一齊, 真的只是感動那麼簡單?
我常常覺得, 被愛是好幸福的, 因為要遇到一個真心愛你的人,
好難, 要你同樣愛他, 更加難, 點解唔好好珍惜眼前人呢?
感情是可以培養的, 當一段關係維持得越耐, 感情自然就會越深,
女人沒有多少個十年, 好多人都成日尋尋覓覓, 到最後,
可能仍然找不到一個是自己滿意的, 這樣的過日子, 是很辛苦的,
女人其實只求一個安隱的家, 求一個可付託終身的男人,
這樣便是幸福了... 而且你哋仲有屬於大家的小朋友,
這是一種緣份, 點解唔想辦法去補救這段婚姻, 而係逃避呢?
希望你自己真的好好想清楚, 因為你一旦走了, 到幾年後,
仍遇不到一個好的男人, 到時你便會後悔的, 唔開心日子都係要過,
不如諗多D開心的事(或者得閒想下仔仔), 我也學習緊, 一齊努力吧!

好好珍惜被愛的感覺!!!
從前我也在被愛中感覺痛苦,選擇了離開...
現在遇到的是我愛佢多過佢愛我,比被愛的痛苦痛千倍萬倍!!
想清楚您們還有小朋友的,你離開了小朋友會比您們更痛苦!

感情既事 ... ... 有時候好難去界定對抑或錯

妳老公愛妳, 甚至著緊妳多於著緊佢自己

妳怕一旦失去佢 ... 或者會唔習慣冇左佢既生活方式

畢竟要搵一個深愛自己既人唔容易

同時亦都係妳怕佢傷心 ... ... 無意破壞相互間既關係

*　但當然, 感情既事難以勉強。 縱然強行 o係埋一齊
妳始終得唔到真正既幸福。 若然妳地雙方既意願一致既,
問題當然可以好容易解決。 但如果佢依然懇求妳同佢一齊
既, 請妳同佢講清楚 ( 簡單扼要咁講, 語氣保持輕鬆溫柔 ) ,
「即使我地做唔成夫妻, 我都係妳最好既朋友來嫁, 係咪?」

*　最重要既係達成共識, 顧及到個小朋友。

無論妳最終既決定係點都好 ~

唔好俾咁大壓力自己, 盡量以輕鬆既心態去面對呀 ~ ^^

祝願

　　妳地兩個都搵到自己既幸福 ^^

我希望你會繼續幸褔!
據你自述,我覺得你幾唔成熟,自私及不負責任;
先不論你決定及做法對他的不公平情況;
但你們的仔仔,才不到四歲,他不是玩具,你如何面向他日後成長?
你要知道,人生生來就係苦多過樂 - 事實如是,你唔可能只接收快樂而將苦惱轉移給他人,就算佢現在唔怨你,將來都一定會,除非佢係癡架啦?
你如果真想有快樂的話,先學下付出,只有付出後得到的快樂才值得人 回味 無 窮......。
God bless you!

感覺上你比較自私, 因為你既想法, 完全係環繞緊你自己

你想有水泡時, 就要佢, 覺得唔開心, 就想離開佢, 你完全無考慮過對方想法, 雖然, 你可以講係, 呢的係你個人自由, 不過你無正式咁面對對方, 呢點我唔 buy.

講真, 如果你地真係覺得大家唔夾, 點解唔同佢講清楚? 你可能會覺得難開口, 但長痛不如短痛, 點解唔早的講? 我感覺上, 佢痛苦多過你, 因為你一直都係玩弄緊佢既感情~

由始至終, 男方既真誠, 你一直利用緊, 因此, 我認為你同男方講清楚, 反而係對佢既一種解脫, 亦是你對自己既一種交代~ 果時你再決定繼續, 定係分手, 都係了斷既一種~~ right ?

你應該要珍惜他, 因為當你一旦失去了一直以來習慣的被愛,
你會後悔的.
而不是每一個人在後悔之後, 都有個悔改的機會.
你今天並不是你有新愛的人才想離開他, 你只是自己在鑽牛角尖覺得不愛他, 所以想離開他.
你要惜福啊!!! 不是每個人都可以如此被愛的.