怎樣去觀塘瑪利諾書院及聖公會梁季彝中學?

你去觀塘瑪利諾書院及聖公會梁季彝中學，你係地鐵站的 D1 出閘口出，因為這兩間中學係此出閘口再轉巴士或小巴係最近的。

觀塘瑪利諾書院：

你一出 D1 既出閘口就會見到一個巴士站，咁你座 13M 循環巴士座至第二個站 (寶佩苑) 那一個站下車，斜對面就係瑪利諾書院。 (車費全程：HK$3.5)

如果回程時，你亦可以在下車站座回同一款巴士返觀塘地鐵站。 (因為它是循環路線)

聖公會梁季彝中學：

你亦係 D1既出閘口出，然後你會見到巴士站側邊有一個公廁，咁你向那邊方向行，之後你就會見到一間 7 仔 (福塘道)，門口係會有一架紅色小巴去觀塘專業教育學院 ( KT IVE )，而教育學院側邊就係聖公會梁季彝中學。[車費全程：HK$2.5]
**不過此專線紅VAN不是每個鐘頭都有車上去 KT IVE的，它只會在返學時間及放學時間才會有車，否則就要座的士或步行到聖公會梁季彝中學。

如果你係觀塘地鐵站座的士上去車費為HK$15，應該不用跳標。

而步行的話，大概行十五至二十分鐘。咁你一樣係 D1既出口，行至 7仔那邊沿著福塘道行，行至街尾轉左，然後一直沿著(翠屏道) 行直至見到間OK便利店，側邊有一條樓梯上天橋 ，咁你行過條天橋後就會再見到一條樓梯 ，一樣行上去左邊會有一個休憩公園 (如果唔上天橋，可以行過對面馬路踏扶手電梯上至一半，再行樓梯)，對面有幢大廈 (翠梓樓)，而大廈側邊有一條小路，你沿著小路行至最尾會有一條小樓梯，然後右手邊再有一條樓梯，當然你行埋依條樓梯轉右 (對面係一個足球場)，行至街尾便是你要去的中學。 (你放心這條路係好安全的，因為好多學生都是靠這裏往返。)

希望可以幫到你啦！

觀塘瑪利諾書院在翠屏道100號 : 從觀塘地鐵站(D1出口) 乘13M線巴士至季茂坪紀念公園附近下車便可見到, 另外在觀塘觀塘道乘11C巴士也可抵達.

聖公會梁季彝中學位於秀茂坪曉明道28號, 只有乘公共小巴可到, 可以在上述的13M巴士總站附近的福塘道乘紅色公共小巴直達學校門口, (只在上課日子行走).

希望可以幫到你

觀塘瑪利諾書院
觀塘地鐵站 D1 出口巴士總站搭 13M 號巴士，開車後第二個站，即寶佩苑對出落車，過對面馬路就係！

2007-03-16 11:32:13 補充：
聖公會梁季彝中學冇巴士去到，但可以搭紅色小巴。觀塘地鐵站 D1 出口巴士總站後面福塘道有小巴去「香港專業教育學院」，車費 $ 2.5。「香港專業教育學院」隔離就係聖公會梁季彝中學。