我想搬出嚟住~需要注意d咩~

搬出嚟住，其實有好多野顧~~

1. 搬出嚟住應該點樣先搵到屋
如果想搵屋，最好搵地產經紀，荃灣力新廣場樓下都有幾間，最好去D大間少少GE地產公司，雖然係佣金可能高少少，但起碼信譽會好D。如果自己搵，分分鍾唔知搵到D咩樓番來。如果有時間可以去多一兩間地產睇下，一定要親身上樓睇，同埋搵多個朋友幫下眼。而係地產公司睇樓，佢會叫你簽睇樓紙，唔好咁快落訂住，睇多幾間先，起碼睇三四間左右，再睇下價錢。

2. 200呎再右係荃灣大概租金幾多
如果200呎會有一房一廳選擇，通常$2800-3500，如果唔怕行樓梯可以試下唐樓，因為租金可以再平D，大慨平最少$500。如果近地鐡會貴D。同埋，最緊要係要個經紀幫你還價。

3. 一搬費用包唔包水、電、煤等雜費，若果唔包咁計埋大概要幾錢
要視乎個別業主，要係睇樓時問埋，因為多數水、電、煤等雜費都無得減，要講清楚。

3a.除咗以上gei費用，仲有d咩費係需要或唔需要我(如管理費等......)
基本上，就無其他費用架喇。如果本身間屋無電話視上網，可能要自己申請，所以最好睇樓時問埋包唔包，唔包可唔可以自己裝。

4. 點先知業住是否信得過
這個很難說，所以都係搵經紀會好D。

5. 若一個人住，還需要注意d咩(如財物、安全等.....)
如果一個女仔住，可能要搵D無咁雜既地方，唐樓就唔係太好，最好搵D有管理處既屋。
同埋睇樓時，最好選擇一些唔好太低層，有窗方便(涼)衫。

6. 可否分享一些心得，因我一個月人工不多，因此我必須要好好計劃
個人認為，如果非必要都唔好搬出來住，因為有很多估計唔到GE費用會洗。如果人工唔多，仲要每個月俾多三千幾蚊，好唔化算，變相自己日日返工就為左俾錢文租，變相同包租公打工。同埋一個人住，最緊要經濟為原則，一百幾千都要同業主講，不需要的就可免則免。

1. 你搵埋一個信得過又可以俾到意見o既朋友去荃灣o既地產行講出你要求居住o既要求,例如間屋屋幾大, 價錢預算幾多(預算差距唔好太大), 要唔要近地鐵站, 幾多房, 要唔要傢俬(或其他特別要求?!), 咁地產經紀就會幫你嘗試搵吓有無單位可以帶你去睇o 一定要睇多幾間地產公司, 因為每間公司啲盆總有唔同, 又可以格吓價, 又可以俾自己大概知道呢區唔同屋苑大概o既價錢o 一定要上樓睇架, 唔係你唔知間屋啱唔啱自己, 我媽話, 要睇間屋同自己夾唔夾, 上到去覺得唔舒服就要走, 我之前住屯門一年就病足一年(被山墳包圍住,同埋成日見到啲人拜神)

2. 我以前讀書喺荃灣, 有啲同學住喺荃景圍或荃灣中心, 五百幾呎都係五千零蚊, 我諗如果你要細單位, 可能要三四千蚊啩....(我見過唐樓都三千蚊)

3. 一個人水電媒唔用得幾多, 但係因為申請時係用你自己個名, 所以要俾按金, 例如媒氣公司俾$400, 中電俾$800(好似係), 水費都係$400, 但係每月用量一定唔多, 特別係水費, 兩個月幾十蚊都得, 電費就一定貴, 冷氣費好貴, 長開分分鐘過千/兩個月(因為通常舊屋多數用舊式冷氣機, 好食電)

4. 總之搵信譽良好o既地產公司搵屋, 不論簽臨約或正約之前, 所有條款一定要寫清楚講清楚, 仲有, 收樓時一定要驗清楚間有乜問題, 窗戶/厠所/牆壁漏水? 窗框啲螺絲鎖緊未? 地板(特別係木地板)有裂紋, 突起?
記得抄低媒氣/水/電錶度數, 咁你就由o個個度數開始跳錶, 唔係一陣要你俾埋上一手用落o既費用, 咪唔抵?! 總之有咩問題一定要入伙之前叫業住搞掂, 唔係到時要你自己攞錢出黎整, 好大鑊 !

5. 屋企一定要有個有鎖o既櫃, 鎖好自己貴重物件, 連朋友都唔好俾佢哋知道你啲嘢搵喺邊o平時出街記得鎖好門窗, 盡量跟管理員打好關係, 等佢巡樓時關照吓你嘛... 最好配多條鎖匙, 一定要交俾最最最信任o既人保管, 唔好貪平租啲太靜o既地方啦, 你一個女仔嘛, 就算你朋友多都唔好成日請朋友上黎你屋企呀, 始終唔係太方便啦....

6. 你搵得地產代理幫你搵屋, 自然要俾經紀費, 即半個月佣, 但提提你, 有啲公司如美聯, 使你應繳付租金係低過$3000, 例如你租層樓係$4000, 本應你只係俾$2000佣, 但係美聯都會要你俾$3000; 以我所知, 你一定要問清楚每間公司收佣金o既條款係點樣o

一個人住, 所有開支要自己支付, 真係好肉赤, 我同老公都係租屋住, 我見佢每個月用超過三分一人工去繳交所有關於屋o既雜項o 其餘惟有喺食同買慳番啲, 所以你一旦搬出黎住後, 一定要自己整個每月開支表, 邊舊錢唔用得(用黎俾固定開支, 每日限用幾多錢, 自己帶飯番工又可以番筆; 仲有啊, 如果你打算自己買傢俬, 買咗必需品先, 其他再慢慢添都未遲(租屋包傢俬會貴過淨租屋,貴幾百至千幾蚊)o

其實住荃灣區唔平架, 如果可以, 你可嘗試考慮屯門,元朗(嘉湖都幾平), 其實你可以衡量一下番工地點同居住地點o既距離, 兩樣都近固然好, 但係近市區屋租自然會貴, 但遠啲,車費貴少少但係屋租又會較平, 所以, 唔好剩係諗一區, 諗多幾個地點, 喺搬兩個月至個半月前好開始周圍睇喇, 一定要睇多幾間先決定, 自己有原則, 唔好被啲經紀講兩句"呢排啲盆好搶手呀, 要租趁手呀, 業主加晒價.....", 蝦你一個女仔乜都唔識呀....

1去地產如中原那些問。把你的要求(價錢、地點、大小)跟他們說，他們自然會找合適的叫你去睇樓。ok才租。

2荃灣不清楚，不過好少有200呎的屋(除非是分租、板間房etc)

3通常只包管理費、地租、差向等。其他通常不包。(你租前可問清楚)
水、電煤看你用得多不多。水費通常不用交(一個人用水不多)其他看你自己。而留意如果要轉你的名字(電、水等單)要交按金，即你租完去改回名可退還。不過都要幾百元。

4業主只是怕租客信唔過。你簽了約就沒問題。
5門鎖要換。出門前或睡前要小心關好門窗、電制等。key可放一氣在家人那裡，沒帶可回去拿。
找屋是幾煩的事。你最好不同時段去看看。有些早上看沒問題，晚上可能是很吵很難入睡等。有些可能下雨會有水入etc。多找人陪你一起去看。多個人多雙眼。可看出有沒有問題。
你還要預搬家的錢，也要交租金的一個月上期及按金。透過地產又要交半個月租給地產。所以搬一次花費好大。