✔ 最佳答案
1)架:①強調語氣②半信半疑
①[gaa3(價)]佢好叻架!佢唔會信你架!
②[gaa4]你識得佢架?!唔通係你做架?!
2)架喇:是架+喇組合,這時候,架是強調語氣,喇是表示告知
約定架喇!
3)架喇喎:是架+喇+喎組合,這時候,架是強調語氣,喇是表示告知,喎是轉述語氣
佢死咗架喇喎!
4)架喎:是架+喎組合,這時候,架是強調語氣,喎是轉述語氣
佢係男架喎!
5)架啦:架啦=架喇
6)架呢:是架+呢組合,這時候,架是強調語氣,呢是疑問的歎詞
佢點會咁架呢?
7)架啵:是架+啵組合,這時候,架是強調語氣,啵表示肯定
我唔知架啵!
8)架咋:是架+咋組合,這時候,架是強調語氣,咋是氣詞,罷了的意思
我只是幫人架咋!
9)架囉:是架+囉組合,這時候,架是強調語氣,囉是表示告知
我話過比你知架囉
10)架咩:是架+咩組合,這時候,架是強調語氣,咩是疑問的歎詞
你唔係去旅行架咩?
11)呀:(解)表示驚訝或疑問的歎詞。
[aa1]你想點呀?
12)呀嗎:呀嗎=架咩
13)喇:①表示祈使的用法。②表示告知。
①[laa1(啦)]一齊嚟喇!
②[laa3]我食飯喇!
14)喇喎:是喇+喎組合,這時候,喇是表示告知,喎是轉述語氣
我走喇喎!
15)咋:氣詞,罷了的意思
[zaa3(榨)]我唞咗一陣咋!我見過佢兩次咋!
16)咋喎:是咋+喎組合,這時候,咋是氣詞,罷了的意思,喎是轉述語氣
我只係幫手咋喎
17)咋啵:咋啵=咋喎
18)啵:表示叮囑,勸告,肯定。
[bo3(播)]你唔好唔記得啵。咪飲咁多酒啵。我記得唔係噉啵!
19)之嗎:是之+嗎組合,這時候,之是強調語氣,嗎是氣詞,罷了的意思
你只係工人之嗎!
20)咩:表示驚訝的歎詞
佢結咗婚咩?