究竟參加旅遊社的自遊行package，還是自己買tickets去台北?

除咗第一次去台北係買旅行社套票之外, 其餘三次都係自己訂機票酒店, 因為一來平過旅行社訂票好多, 二來,只要搵啱信譽良好,質素有保証o既公司, 自遊行都可以玩得既安全又放心o

我每次必上呢幾個網搵又平又抵o既機票+住宿:
http://www.zuji.com
http://www.priceline.com.hk
http://www.hoteltaiwan.com

如果你哋十幾個人去台北旅行o既話, 我建議你哋可以住hostel(旅館), 因為又平又好玩, 更可以認識到好多來自不同國家訪台o既旅遊人士, 多數都係年輕o既留學生, 一齊玩又得, 又可以交流不同文化, 會好開心架o

俾個網址你參考, 好多人都鐘意用呢個網頁搵旅館, 而且仲有評分:
http://www.hostelworld.com

提你一點, 如果你想自己訂機票+酒店的話, 建議你最好出發前至少個半月之前訂票(等別係旺季), 因為好嘢真係手快有手慢無, 個個人都想以最平價錢去到旅行, 我就試過舊年差啲去唔成台北, 因為我臨出發前三個禮拜想訂酒店, 機票就買到, 但係全台北o既酒店剩番一間有位俾我同個朋友, o個次真係嚇餐死....不過我好enjoy自己一腳踢搞掂, 好似下個月復活節假期間我跟家人去台北, 自己訂4日每人都只係$2860(乜都包晒), 但係問過出面知名旅行社, 最平都要$3300+(成個月之前問), 慳咗咁多, 貼落去旅費度咪仲好?!

至於你講買咗機票再去台北搵民宿, 我真係唔主張咁做, 與其都要訂機票, 倒不如一次過訂晒兩樣, 穩陣好多....

所以如果你同朋友唔想太多嘢又怕麻煩, 咁就可以去知名o既旅行社訂套票, 大概出發前三個禮拜訂定都差唔多, 當然要貴啲啦; 但係如果有人肯花時間自己搞, 又想平啲, 咁上網訂機票+酒店就最好啦....

祝你旅途愉快!

我去過台灣3次,,每次都係買package,因為比較穩陣, 一定有機位同酒店住,, 咁可以安心去玩。最好就係去康泰,永安呢d大間既旅行社就冇甩底啦, 但package係未必夠住民宿平, 但我對台灣既民宿冇咩信心, 都係買package啦, 太約千幾蚊,
價錢係根據你搭邊間航空公司而定, 中華就一定好平, 因為過往有很多墬機事件都是中華的, 如果係長榮或jaa等就會好d,但又會貴d。

既然係第一次去,我建議你買package, 咁成班人可以放心去玩, 唔駛為住宿問題而煩惱, 因為有d民宿好污糟, 半夜又不能太嘈, 同埋package貴極都係千幾元,講緊既係4日三夜果d。
anyway, 祝旅途愉快~~