關於經紀抽佣既問題

講真...其實AGT做租係麻煩過做買賣架...
又多手尾跟...而且真正落到自己袋既錢真係好少...
所以好多大行都會格過d客先做...
我見過有AGT真係寧願唔做單生意都唔減...
不過當然呢d個別case...
and also細行拆佣拆多好多...所以好多細行收單春都冇咩所謂...
講真...$500佣...個AGT可能真係得$50落自己袋...
又要同你出去睇樓...又要傾價...又要簽臨租正租...
將來你住落有咩問題你又係搵返個AGT...
咁你估下個AGT會唔會為幾十蚊搞咁多野呀???
你話差一百幾十計個意頭價or收齊頭既都問題不大既...
不過如果你真係唔打算俾足佣既...
你真係一早同個AGT講定囉...等人地都可以選擇囉...
因為地產打開門做生意...明碼實價話收幾多...
咁你冇理由嚮受完人地既service之後先話我唔俾足錢架麻...

如果個Agt 冇做錯, 都唔好咁絕, 佢地都好辛苦, 係你背後都做左好多工夫.

再者, 佢地都仲要同公司分, 你再減佢佣, 人地咪白做!!!! 明明想用心同你做都會'冇心機' 做.......................................

有時候將心比己好D!!!!!!!!

通常經地產睇樓前, 一般地產都會要求你簽睇樓紙, 而睇樓紙內一定寫明佣金多少, 如果代理沒有做錯事, 你都好難減得很多佣。如果之前不簽睇樓紙, 我想他們亦未必肯同你睇樓。

人家都是搵餐苦飯吃, 不要太過難為人啦!

通常,你問佢佣o個方面有冇得傾
佢可能俾9折俾8折你
如果你租既單位
你搵倒一d佢冇講既缺點
例如原來個單位好嘈既,或者樓上樓下好雜
或者係d傢電壞佢又唔肯幫你同業主講
咁你同佢傾話半隻佣(5成)
佢要做生意都吹你唔漲...

或者可能個unit死過人
風水唔好之類
你又有其他心水
同埋如果租約長(3年,2年+2年續租之類)
或者係你租金比同類單位高
咁個agent通常都收足業主佣
咁你就可以同個agent傾多d
甚至一蚊都唔收你都唔出奇


尤其係銀碼大既單位
佢是但收一面佣都夠既
佢都肯收你少d


慢慢同個agent傾下囉
你扮pro d
問佢,"佣o個方面收幾多,7折?"
咁7折都走唔甩ga喇~