✔ 最佳答案
佢應該係有病, 你盡快同佢去睇獸醫確定病因. 如果獸醫都唔可以好肯定病因,千祈唔好做任何試驗性質嘅手術, 因為你咁做好可能令佢受更多痛苦, 而最後都係難逃一死. 因為我隻貓阿B之前有病, 我發現佢唔食嘢,唔飲水,成身冇力,仲抓屋企隻大門想出街(阿B一向唔出街),於是我同佢去睇獸醫. 最初檢查話係胸腔積水, 於是幫佢抽咗一次水, 返屋企唔夠一日, 佢已經再出現同樣情況, 總之之後不停進出診所, 期間又要等好多化驗結果, 但都係冇辦法查出病因, 到最後嗰日我見佢嘔血, 好心痛, 好唔願意下將佢人道毁滅. 在醫治佢呢廿幾日,佢真係好辛苦, 事後我很認真咁檢討過, 我應該一開始就唔好幫阿B做任何手術,因為目前獸醫嘅醫術其實好有限, 只可以醫治一些很輕微嘅病如感冒或者骨折, 其他病佢哋都係斷估試藥或者手術, 但佢哋根本全冇把握可以醫好你嘅寵物, 仲要佢喺死之前受多好多不必要嘅痛苦!!!!!!