貓貓生之前有咩預兆?

其實每隻貓要生bb既時候, 佢地都會做出一d唔同既行為講你知。

好似我隻貓貓咁, 佢生bb之前會不斷咁叫我, 不斷引我注意, 而且仲會行黎行去(係個籠度), 當然你要預備定一個地方, 或者一個籠俾佢生bb啦！ 否則, 就會好似我一個朋友咁, 梳化底生一隻, 台底生一隻, 房入面生一隻。當我朋友放工返到屋企, d bb已經救唔返！

仲有, 記住要係你預備俾佢生bb既地方鋪上毛巾, 當佢生完之後要即刻換上另一條, 因為貓媽媽生既時候會有胎水及血水流出, 如果唔立即更換毛巾, bb & 媽媽好容易會染上皮膚病嫁喇！

另外, 你俾佢生bb既地方如果係個籠既話, 記得要四周都圍上毛巾喎 (可以留返個籠頂俾佢), 因為剛剛出生 - 2個月大既bb既抵抗力都好底, 咁樣做既話, bb就無咁容易冷親嫁喇！

仲有一件事提提你, 當貓媽媽生完bb之後, 你要留意佢有無餵奶俾bb, 因為有d貓媽媽生完bb之後係唔識餵奶, 有d更可能會唔理bb嫁, 你要留意喇。

希望可以幫到你啦！

一般而言，貓貓懷孕左65天之後，即發現貓乳頭脹大，變成粉紅色之後的六週左右，便是貓的預產期。
不過，不同的貓，懷孕的時間都唔同，
最早都有58天，不過呢個時候出生的小貓發育不足，出現難產的機會都會高。
另外，懷孕左71天以上都未生，就算小貓發育完全，亦都會有難產的機會。