唔知應否回去他身邊

家庭及人際關係其他 - 家庭及人際關係

用戶112550

2007-03-16 2:03 am

同老公一齊咗十年, 喺上年結咗婚, 但未有小朋友的。
早兩星期, 老公突然同我講, 而家欠銀行二十多萬, 係因為四年前賭股票關係, 我聽到嗰一刻真的好嬲, 好失望, 因為已經唔係第一次發生, 上一次喺七年前, 當時亦因為賭股票, 欠銀行十多萬, 當年因為我相信佢真的會改過, 所以當時原諒咗佢, 同佢一齊還錢, 好辛苦還咗幾年先還晒。到而家, 我真的不知應否再俾機會佢, 我好嬲佢喺結婚嗰一陣都唔坦白同我講, 雖然佢今次真係好似決心改過, 亦話今次唔洗我幫手還, 但我好怕將來到我們有小朋友的時候, 又有第三次, 因為我知道佢本身都幾鍾意賭博的。而家結咗婚, 真係唔知應該點做, 繼續同佢一齊, 我知道一定會成日唔開心, 今年27歲了, 又好驚唔知自己將來可否遇到一個更好的, 好擔心…
這一個星期, 我搬左去哥哥屋企瞓, 好想自己冷靜一下, 諗左好耐, 這兩天其實已經有答案比自己, 因為自己已經唔想再返去, 但係好唔習慣身邊無左另一半(我同佢同居左五年了), 我應該點算好, 好想大家俾些意見我…

回答 (6)

[匿名]

2007-03-16 8:24 am

✔ 最佳答案

其實你已經很叻了,這次他仍然要傷你心,,,實在很痛,,,
感情上,女仔總是容易心軟,我不曉得這次你會否再次心軟,,,大概他也會跟你說一大堆承諾吧,,,
雖然很難,但也不得不理智了,畢竟你說你已二十七歲了...
或者請你想一想:一段關係裏最重要係咩? 坦誠對你來說重要嗎?
也許你已跟他結婚,也怕難遇到另一個男人,
那麼,假如你老公一生都是這樣,你願意接受他嗎?你願意因為咁放棄有BB嗎?或者你願意你BB有機會面對而家的情況嗎?
1. 除非你好有錢,(很現實的,,,對不起),
2. 要不然便是無論如何你也願意繼續同佢崖...(你選擇盲目地愛他)
3. 又或者你可以完全原諒佢對你不誠實(你對一段婚姻的要求是什麼?)
27歲,其實也是人生的另一個起步吧,你如何選擇?
其望你哭盡後，清醒後,再做你的決定,支持你,

👍 0 👎 0