又o黎又o黎....40分: 今次輪到媽咪迫婚, 好煩, 而家唔敢返屋企, 應該點??

分享一下, 我也有同樣的 case... 雙方家長及女友迫婚...
性格不是一個問題的. 如果佢鍾意你既, 你點臭脾氣都會接受到啦, 除非係你無理取鬧啦. 而且結左婚都唔代表要忍你一世嘛... 所以你媽媽這點可以不攻自破啦
既然你都想結婚, 就好應該給男朋友知道. 係呀 "恨嫁又點, 咪又係恨嫁比你", 唔比咩. 冇錯, 有點基礎才結婚係正確的, 唔通結婚後得返幾千蚊洗袋咩.
你係女仔, 又當然唔應該主動同男朋友屋企解釋的. 但你地之間有沒有坐低傾過先. 例如話想 "有點基礎才結婚", 咁意思即係幾時?? 搵到幾多錢?? 還是升到什麼職位?? 還是有一個時間 (如 3 年後)?? 最緊要你們之間需要有一個共識. 然後等再問到時, 叫你男朋友同雙方講解一下你地的決定, 一般都會明白既
但要佢地以後唔問就只有一個辦法, 就係快 d 結婚 lor...

1) 我覺得你首先和男友商量了先. 取得一個共識. 如果你們都已經有所計劃的話, 你便可以向你媽媽說明和向她表示希望得到她的支持和體諒.

2) 我個人覺得結婚是你和男友作出的決定, 雖然你想嫁,但對方未有準備的情況下便不要強迫和加以壓力給對方,因為這樣子會傷害感情的

你可以同媽咪講, 「我同男朋友都有諗過結婚, 但如果男人未有事業基礎, 對未來生活無保障, 就算結了婚, 都可能得個愁字, 日後只係為了經濟問題而兩公婆嘈架就無謂啦! 你都想個女結婚後生活安定, 不需要下下麻煩到你嘛! 我知你錫我, 緊張我, 你放心啦, 在適當時候, 我地會結婚。 同埋, 我男友好清楚我的真面目, 係, 我脾氣可能唔好, 但兩個人相處都係你就吓我, 我就吓你既啫。而我亦唔信什麼因了解而分開的歪理, 如果兩公婆都唔了解對方, 咁就驚啦! 同朋友冇分別, 咁同一個你唔了解既人結婚, 你唔覺得好無聊咩? 你會鍾意同一個唔了解你既人一齊咩? 」

我都好明白你的心情,俾自己媽咪取笑係好難受, 仲會問自己點解自己阿媽都笑自己個女, 不過唔好去深究啦, 你由得佢"鵝"你啦! 或者你問下你媽咪點解咁心急想你嫁, 點解咁唔欣賞自己個女? 如果你有一日頂唔順, 你可以直接同你媽咪講你覺得好難受, 唔介意你喊埋出來, 阿媽最肉痛係見個女喊!

至於你男友, 我極力反對你同你男友講你有壓力, 你可以同佢提及你媽咪逼婚這回事, 但不要講到你都好大壓力。你應該明白佢既壓力有幾大,因為你都在同一處境。你可以同男友分享: 「我而家明白你的壓力了, 因為我阿媽都係咁"鵝"我, 問我幾時結婚, 所以我知道你都好慘。我自己都想結婚架, 始終我係女仔, 有邊個女仔唔想嫁人吖! 不過我知道你未ready, 亦唔想加重你既壓力, 但我地點都要向家人有個交代既。Umm....其實你點諗?」



希望我既愚見幫到你!

同男友講會俾壓力佢喎, 一陣佢驚起上來真係唔娶你點算? 唔好同佢講啦.

做阿媽的都想自己個女嫁得好, 你咪話男朋友儲緊錢要等下囉! 再唔係嚇下佢, 問佢如果驚個男仔唔娶你, 落o左訂先好唔好? 佢可能會怕個女蝕底唔再催你呢?

你應該同你媽媽講話:
點解你成日覺得你個女咁差, 好似要促銷咁?嫁人唔係玩玩下架, 人地睇我岩唔岩佢既同時我都要睇下人地岩唔岩我自己架?

我識得一個人就係咁倉促嫁左, 但係老公唔好包二奶, 又有個仔, 到時候真係唔嫁好過嫁!

我都咁大個人啦, 呢d野會有分寸架啦, 你好似仲緊張過我咁, 知唔知咁樣我好大壓力?