結婚你覺得要擺酒嗎？

我覺得結婚，唔一定要擺酒，
無端端搵埋D 十年都唔見一次 既親戚出晒嚟，都唔知為咩……
又驚漏咗邊個……又驚唔夠體面……又驚招呼唔到…..氣氛唔夠…..
個新郎同新娘成晚敬下呢度……打點下果度…...
D人數有無多咗呢﹖
仲加唔加倒抬呢﹖
D禮金有無收亂咗呢﹖
個妝有無熔咗呢﹖………

簡直體能大挑戰..…精神崩潰….…但係你又要keep住個笑容，繼續成晚換衫，希望大家都替我高興啦…….真係少D「EQ」都唔掂。

在酒席開始之前，播下大家D幸福片段比各位睇，已經係指定動作咁…..
大佬呀，身世大披露咩?

籌備擺酒既時候，有好多好多事要決定，大家實有好多意見，仲有姨媽姑姐D意見呢….
我都見過有D新人，為咗呢D嘢，攪到唔係好開心。

以上只係我個人睇法，最重要係相方能達成共識。
如果另一半真係好想擺酒，我會順從的。我最多辛苦埋果晚，第日我又變返生勾勾，倘若唔擺酒會令佢覺得遺憾或有條刺，咁我零願順下佢意。相愛先結婚，梗係唔想佢唔開心啦。
相方家長既意願，亦要尊重，盡量大家傾下，達成共識囉。
當然亦要考慮經濟狀況啦，如果為咗擺酒嘅事，攪到一身債又可必呢。

最近我同朋友傾過，我唔想擺酒，唸住簡簡單單同家人食餐飯…..

其中一位朋友同我講﹕梗係唔好啦，一定要搞大佢，風風光光，有幾多親朋戚友，盡量請晒，唔夠人我幫你搵夠…..

我心唸：依家黑社會晒馬咩﹗(真係好好笑~~)

另一位朋友又同我講﹕結婚係人生一件大事，一定要擺酒，果日嘅記憶係好難忘、好深刻….你會感受到大家嘅祝福，真係好touching….係人生重要嘅回憶，你永遠唔會忘記此情此境……..

但係我呢位朋友已經離咗婚年幾……

好多事都有回憶嫁啦，有回憶亦唔代表可以長相思守…..

所以我認為擺唔擺酒，最重要相方達成共識，並顧及下相方家長意願，大家傾下….找個平衡吧。

隨你喜歡！

簽紙必然一定要啦!擺酒好視乎你們喜不喜歡熱鬧,因為始終一生人一次,有些女性好喜歡做主角的,正所謂一生得一次做主角(除本身是演員的)個個都對女主角欣賞及留意,這種感覺到現在我都未忘記!

hello:

我自已覺得結婚唔係一定要攞酒的,亦都唔一定要簽紙,(先能夠証明婚姻是否能長久的) 因為而家結婚唔再咁注重啦, 我自己的分析係, 本身結婚對而家的人來說可能比較"而禧"就算簽完紙一年半年都可以離婚, 而您話擺酒只係看您有沒有經濟能力, 多d錢咪擺多幾圍, 冇咩錢咪擺少幾圍, 我有d朋友親友都係因為女家個邊有個交代所以都要擺, 但係擺10圍都冇只係請好親的親友同朋友咋, (我的朋友拍拖8年都未結婚(冇唸住結婚tim), 但雙方關係依然很好)
請參考本人的小小建議
1 如果女方不介意的話, 簽左紙先囉, 然後再儲錢再擺酒(要視乎幾多圍同埋請d咩人)

2 如時間不夠您去儲錢, 咪都簽紙先, 擺酒前問下其他親人或朋友可借錢先, (有時因為女方的家人會催婚的), 儲錢不夠時可與女方商量可否擺少幾圍(請親d的人)

記住l 其實我覺得以上說的只其次, 最重要係您愛您老婆, 擺酒同簽紙只係儀式上証明唔到d咩, 而您對她的愛是發自內心的, 就算您冇錢做上述的事, 只要大家愛對方, 其他野唔重要, 咁先保証到承諾同埋呢種愛係永遠都不變的...
結婚考慮您們的關係去到邊同埋有冇心埋準備, 其次先考慮儀式上d野啦

希望您日後婚後生活得開開心心, 白頭到老!!!!!

要睇你地+雙方父母意願，有d人想大搞，有d人只會請親戚食餐飯。
個人覺得可以擺酒，但只請熟朋友同親戚咯。

結婚擺酒最重要的意義,就是告訴大家我要結婚了,
同埋讓大家一同見證我的婚禮和得到大家的祝福,
但如果你擺酒都無錢,就簽張結婚證書就可以了.

我都搞緊.........不過見咁多野搞(擺酒,租衫,影相)，諗起都煩.....我改變主意.....想簽張紙就算

唔一定....
1. 視乎你倆及老人家的心願.....
2. 睇下金錢足夠嗎
3. 你地想唔想有個難忘的日子
4. 有冇考慮旅行結婚

不過, 只係簽張紙就好似簡單咗一的, 會唔會明天覺得好兒戲??

睇下經濟能力
如果真係無錢擺酒 就唔好擺
但要睇下女家or男家 願唔願意
有d老人家 覺得結婚一定要擺酒 仲要俾好多親戚知

結婚需要擺酒! 簽張紙就算？no way!