我未來老婆離過兩次婚仲有兩個唔同爸爸既女,我家人非常反對,決定左唔會出席我地既婚禮

你知唔知你未來老婆點解會離兩次婚??係佢既問題定係另一方既問題??
要得到你父母既接納...首先要俾佢地知道個女仔有咩好...點解會離兩次婚~~
係佢自己唔認真...定係佢之前既另一半出面搞三搞四etc~~

至於你daddy話佢"被人搞過晒"~~可能係思想唔同既問題~~你要同佢多d傾計...令佢知道你唔介意~~(大前題係要你自己真係唔介意~~)再者...你之前有冇同其他人發生過性行為??if yes,你要俾你daddy知道...被人搞過既唔只係你未來老婆...你都有被人搞過...

另外~~o個兩個女其實都好慘...面對父母既離異~~你可以嘗試同佢地溝通多d...接觸多d...等佢地覺得你都係錫佢地既...可能會慢慢接受到/應承改跟你姓~~

同你媽咪講...改姓呢d野要時間慢慢去考慮...如果冇試過一齊生活...要人地跟你姐...都係一件幾困難既事~~

你媽咪既態度應該冇咁強硬~~你可以從你媽咪入手先~~

最重要既係...你要俾佢地知道...你已經大個...有自己既思想...每件事都已經考慮清楚先會作出決定...唔會後悔~~

希望你可以盡快解決到你既問題啦~~^^~~

嘩,你發女人寒咩,呢的女人無得要架,因為你一定後悔既..........

煩?
結婚之後你仲煩!
最可憐係啲小朋友!
我奉勸你結左婚之後唔好咁快要bb,觀察清楚先!
唔係3個唔同性既小朋友一齊,磨擦一定更多!
大人種既因要細既黎承受結果...
佢地無得選擇出唔出世,揀邊個做阿媽老豆!起碼有權選擇跟邊個性!!
女人啊!唔該你地唔好咁戇居情到濃時就話要為人生仔!害死人架!
結10次婚都係你自己既事,但係唔好害到人!
依家就係好明顯既例子!
你仲有咩可以點!你愛佢就不顧一切架啦!都談婚論嫁囉....
不過你要知你承擔既野比人多好多!
要有心理準備!至於屋企人...始終一家人嘛,如果你地爭氣,幸福快樂,仲有咩人阻止?仲有咩人會話你唔啱?

現在還有結婚的嗎
有愛情就可以不結了
可能你條女剋夫命啊

難怪你父母o家wor~

佢幾年間可以結2次婚, 又離婚又生仔.......我唔可以話佢對感情唔認真!

不過俾人感覺係.....隨便囉~ 拍拖都要拍幾年先結婚, 仔都要10月懷胎先生, 離婚都要蘊釀唔知幾耐先可以成事, 仲有分居期呢? 老實講, 第一次就話佢遇人不淑, 第二次都係同樣o既循環, 究竟係咩問題? 事出必有因, 雖然話依家d人open左, 離婚率都高左, 但係...結婚生仔離婚唔係一d兒戲o既事, 佢全部都做過2次, 我會質疑呢個人感情上o既處理係唔係過於衝動囉~ 不過我又唔係你, 或者你會知道你老婆o既辛酸....

你接受到係因為你愛佢........但係其他人就未必.....

如果係唔理家人反對就結o既, 我覺得就唔係咁好囉~ 到時你左右做人難~如果你地真係相愛o既話, 其實都唔需要急住結婚呀...偏見係可以解o既......花多d時間同耐性, 佢地一定會見到你地o既真心......

到時唔帶2個女出席得唔得呀
你地唔講 冇人知佢結過婚 有2個唔同姓既女; 咁樣你父母又肯唔肯出席呢
同埋 依d事 由你把口講呢 佢地一定唔聽架啦 不如搵你d兄弟姐妹幫幫口啦 咁樣會好d囉

嘩...洗唔洗呀=_=''...我都味見過咁勁...你可以唔洗理佢嫁...愛情冇分咩嫁...中2咪中2lo....但係你條女真係好勁呀....我諗我都會唔要佢呀=口="