✔ 最佳答案
問題問得好，答得詳盡四千字一定唔夠。
你有冇留意並不是所有Amp都有Bass同treble 校，愈Hi-end愈冇，就算有，發燒友大部份都唔會用。原因好簡單，Hi-fi發燒友追求嘅係 high fidelity (即高度傳真，亦是hi-fi的全寫)，任何加鹽加醋的動作只會影响保真度。一個靚錄音理應係全音域鉅細靡遺並準確地將音樂捕捉，而一套靚system亦可以以高保真度方式將音樂還原播放，這亦應是玩Hi-fi的態度。
發燒友認為有Bass同treble 校是將原本好好的音樂，在某頻率範圍加人工操控。Bass 同 treble 掣去到極端就是 equalizer 的出現，equalizer更將由50Hz至20000Hz的音色分成若干部份，然後讓用家任意調校某部份的音訊，從而令用家獲得他們認為理想的音色。但絕大部份發燒友都不校Bass同treble，不 玩 equalizer。
話得說回來，一位用家覺得扭大個Bass去獲取他喜愛的又肥又濛嘅重低音，咁有錯咩?當然作為發燒友會對出現於MK，揸輕型貨van，扭盡Volume陶醉於勁bass嘅公仔佬嗤之以鼻，但在不影响他人为前提下，任何人都可以以自己喜好去「調校」出自己喜愛嘅音樂，廉價至中價嘅 amp 加入Bass同treble掣 ，甚至5段7段 equalizer連LED mon顯示，就是為了滿足這一群消費者。
嚴格嚟講，CD或黑膠在錄音時已利用equalizer調校音色，所以用家在聽音樂時唔調bass或treble唔表示個錄音係原汁原味，發燒友堅持唔校bass或treble，又是否五十步笑百步？
以我愚見，聽hi-fi並無 absolute，你好到point指出根本無人知道一首歌or音樂原本的音色是怎麼樣，所以加不加bass同treble，純屬個人喜好。你食叉飯唔加色绝對是你自由，但反對人叉飯加色就於理不合。你背後笑佢冇文化又另一回事。你那句根本無人知道一首歌or音樂原本的音色是怎麼樣令我想起一個故事。早10年前Telarc出隻發燒碟，內有一段是恐龍的叫聲，那時有些發燒友說這錄音如何像真，最有趣的是這世界上所有人都未聽過恐龍叫，何來會認為錄音逼真？
最後，我相信amp加Bass同treble 同換唔換 speaker 冇關係。
2007-03-15 18:53:41 補充：
如我所說，Hi-fi引人入勝之處在於冇absolute，各施各法，平有平玩。但以我個人來說，我從來都不會碰Bass或treble個掣。比如套system冇低音，我會用其他方法，例如換線、換機、換喇叭等，因為光是靠 bass and treble 掣係改善唔到先天缺憾。但一再強調，此乃個人意見。只要你收貨，又何必理人點諗？而家係你聽定人地聽。
