有無人可以教下我點做個正常男仔ar....T^T

你並唔係唔正常，你只不過係嫌生活唔夠多姿多采，同埋愛情未有著落。
所以，你希望可以擴闊生活圈子，想搵多D刺激同埋希望，好想改變人生。

好 ~ 我今年23歲，大學畢業，月入係秘密，自問外表都中間偏上，
興趣廣泛但唔精，有少少怕生同埋反應比較慢同直，
得閒都有同朋友打下波食下飯睇下戲，唔算自閉個類人。
朋友方面，真正既知己真係冇幾個。女性朋友就大部分都係「君子之交淡如水」果種。
基本上，我地好似差唔遠。
其實社會上大把呢種人啦，我都見過唔少，冇咩唔正常。
我地唔係天生活躍既寵兒，有時候好羨慕D外向既萬人迷。
外向唔怕生既人起交朋友同女友有好大既優勢。

聽你講話你曾經起網上識朋友，其實你係起咩途徑搵朋友呢？
1) 建議你搵筆友，呢類人通常期望長遠既朋友關係。
2) 既然你興趣咁廣泛，點解唔上一D論壇吹水同發表意見，識下志同道合既朋友呢？
3) 其他 yahoo 交友、ICQ 果 D 就真係睇運氣。

我自問係一個網民，我對目前既狀況都幾滿意。
我通常都去一個叫「小說村」既網，已經有五六年。
起上面討論下，寫下小說，睇完人小說再去評論、結交，可以識好多人。
我有約二十幾個網友已經係生活上面既朋友。
有兩三個係我好信任既大姐姐，有一個係我女朋友。
雖然呢個網今非昔比，有老有嫩，但如果你喜歡小說，我都會推薦你去。
起呢類「物以類聚」既網，會比較容易搵朋友。

但最好唔好以「追女仔」心態入去。
擴闊到圈子，識到好朋友先再講。

除左途徑，就係靠主動同埋自己既心態、相處技巧。
慢慢建立關係之後就要嘗試交下心，唔好太收收埋埋。
呢D野靠你自己，我都唔多講。
總之等運到唔係最好既方法。

可以參加單身派對,可以擴大生活圈子
可上www.destinymatching.com

我23歲, 可以join下義工, 或者出面d10對10飯局
其實出面都有好多活動, 搵下啦, 幸福要自己搵嫁