✔ 最佳答案
其實你唔想同朋友講,是否你覺得基金是不好的產品、或者未完全了解基金的作用呢?基金只是其中一種投資工具,同保險唔同。保險就話買保障,最終都是要比錢出去。而且在一間保險公司做,只可以賣該公司的產品……所以保險比香港人的感覺,都是「一般」……但是,基金是有回報的,只要真係識選擇、識分析、不只是靠 sales 口的話,就真係會幫到客人賺錢。幫人賺錢,何罪之有呢?而且,我幫客人賺錢,是沒有佣金收的,這是我跟單的義務、責任來的。同保險唔同,保險跟單有時在乎賠償、轉地址等等事項,而基金是一項投資。投資的事,日日都新鮮。例如最近香港都跌市,美國二按出問題,如果有留意開股市、經濟的話,都知道個美國房地產的問題已經蘊釀左一段時間,所以,要散貨的話,就一早走人。
而實際上你盡責任幫客人賺到錢,d 人自然會介紹多 d 生意比你。做生意就係咁,不過我明白你認為「好憎sell朋友」的憂慮,因為我都見過一些保險公司的 agent,或者叫做「財務策劃師」,個個都走過黎 sell 我。我不介意比人 sell,但那些人、個些是我認識的人,為了佣金,刻意誤導我。好彩我公司都有代理到很多保險公司的產品,我睇返 d 資料、互相比較後就知佢亂講一通。不過,而我都認識過有 d 幾有料的財務策劃師,他們通常是做投資、銀行出身的……佢地唔駛點去 sell 人買野,因為佢地都識投資,自自然身邊有 d 人要佢比下意見……
所以,我覺得你不論做邊間公司都好,要為自已定位,究竟自已應該定位在哪裡,究竟是一個賣基金的 sales?還是一個可以比到有用投資意見的顧問呢?卡片上,可以印自已是一個「你的財務策劃師」、「你的投資顧問」,但如果唔太認識投資的話,會容易處於落後的步伐。
當然投資經驗要浸,不是三兩下就做到。萬事起頭難,有 d 公司會有客派的。無論點都好,我覺得最重要是,不用過份睇錢。因為如果放錢在第一位的話,就只會變成一個跑數的 sales 機器,可能呢幾年很多市民唔太認識基金,所以銷售主導 / product selling 的方式仲生存到。但長遠黎講,當普眾大眾投資知識慢慢普及的話,他們需要的,是分析主導、在投資上比到有用意見的顧問,而非週街都可以隨便找到的一個 sales。要比別人強,就先要努力學習、挑戰自已、贏自已……你做得好的話,自然有生意介紹。
所以如果要入行的話,要把自已定位,有一個長遠的方向。否則人云亦云,容易迷失方向。
Good Luck~~